ငါးအတွက် လိုအပ်သောဓာတ်များနှင့် သဘာဝအစာ၊ ဖော်စပ်စာ၊ အစာတောင့်များ၏ ကောင်းကျိုးဆိုးကျိုးများ

အစာသည် ငါးများ၏ ကျန်းမားရေး၊ ကြီးထွားမှု၊ မျိုးပွားမှုနှင့် ငါးထုတ်ကုန်အရည်အသွေးကောင်းမှုအတွက်အရေးကြီးသည်။ ငါးများသည် အရွယ်ရောက်ပီးနောက်မျိုးပွားအင်္ဂါနှင့် ဥကြီးထွားမှုအတွက်အစာမှစွမ်းအင်ကို အသုံးပြုသည်။ မျိုးငါးအမများမှာ ဥနှစ်ဖြစ်ပေါ်ဖို့အတွက် အာဟာရဓာတ်ပိုလိုအပ်သည်။

အစာကျွေးခြင်းအတွက် သတိပြုလိုက်နာသင့်သည့်အချက်များ

👉ဝယ်ယူသည့်အစာသည်သန့်ရှင်းလတ်ဆတ်ရမည်။

👉ငါး၏အသက်အရွယ်ကိုလိုက်၍ သင့်တော်သည့်အစာ ကျွေးရမည်။

👉မှန်ကန်သောအစာဆိုဒ်ကို ရွေးချယ်ကျွေးမွေးရမည်။

👉အစာပမာဏမှန်ကန်စွာ တွက်ချက်ကျွေးမွေးရမည်။

👉အစာကျွေးသည့်နေရာနှင့်အချိန်ကို ဂရုစိုက်စွာသတ်မှတ်ရမည်။

အကျိုးရလဒ်

👉 ငါးကျန်းမာရေးကောင်းမည်။

👉 ရှင်သန်နှုန်းကောင်းပြီးထုတ်လုပ်မှုကောင်းမည်။

👉 အမြတ်များများရမည်။

ငါးအစာတွင်ပါ၀င်သော အာဟာရဓာတ်များ

👉 ပရိုတင်း(အသားဓာတ်)

👉 လစ်ပစ်(အဆီဓာတ်)

👉 ကာဘိုဟိုက်ဒရိတ်(ကစီဓာတ်)

👉 ဗီတာမင်နှင့် သတ္တုဓာတ်

ပရိုတင်း(အသားဓာတ်)

👉 ငါးအစာ၏အရေးအကြီးဆုံးအစိတ်အပိုင်းဖြစ်သည်။

👉 အမိုင်နိုအက်ဆစ်များဖြင့်ဖွဲ့စည်းထားသည်။

👉 တိရစ္ဆာန်၊အပင်နှင့် တခြားသက်ရှိများတွင်တည်ရှိသည်။

👉 ငါးဆဲလ်များဖြစ်ပေါ်မှုနှင့်ခုခံအားအတွက် အရေးကြီးလိုအပ်သည်။

👉 ကြီးထွားမှုနှင့်မျိူးပွားမှုအတောအတွင်း များစွာလိုအပ်သည်။

👉 မျိုးငါးများအတွက် ၃၀ % မှ ၄၅ % လိုအပ်သည်။

ပုံမှန်ပရိုတင်းလိုအပ်ချက်

အသီးအရွက်စားငါး 👉 ပရိုတင်းလိုအပ်ချက်နိမ့်

အစုံစားငါး 👉 ပရိုတင်းလိုအပ်ချက်အလယ်

အသားစားငါး 👉 ပရိုတင်းလိုအပ်ချက်မြင့်

👉 သေးငယ်သောငါးများအတွက် ပရိုတင်းပိုလိုအပ်ပါသည်။

👉 ငါးကြီးထွားလာသည်နှင့်အမျှ ပရိုတင်းလိုအပ်ချက်နည်းလာသည်။

👉 ပရိုတင်းလိုအပ်ချက်သည်ပတ်၀န်းကျင်၊ ရေအပူချိန်၊ ရေအရည်အသွေး၊ မျိုးရိုးဗီဇဖွဲစည်းပုံ၊ အစာကျွေးနှုန်းပေါ်မူတည်၍ ကွဲပြားခြားနားမှုရှိသည်။

လစ်ပစ်(အဆီဓာတ်)

👉 ငါးနှင့်အပင်များတွင်ပါဝင်သည်။

👉 အသည်းနှင့်ကြွက်သားများသိုလှောင်ထားသည်။

👉 အစာထဲတွင် ၅ %မှ ၁၅ % ပါဝင်သင့်သည်။

👉 အဆီဓာတ်များလွန်းလျင်လည်းငါးကြီးထွားမှုကိုနှေးစေသည်။

👉 အဆီဓာတ်နည်းလျှင်လည်းငါးမျိုးပွားမှုနှင့် ငါးသားပေါက်များရှင်သန်နှုန်းလျော့ကျစေသည်။

ကာဘိုဟိုက်ဒရိတ်(ကစီဓာတ်)

👉 အသီးအရွက်စားငါးများအတွက်စွမ်းအင်အရင်းမြစ်ဖြစ်သည်။

👉 ကစီဓာတ်အလွန်များလျှင်မူ အစာခြေဖျက်ခြင်းနေရာတွင်ပြဿနာဖြစ်စေသည်။

👉 ပုံမှန် ၂၆ % မှ ၃၀ % လိုအပ်သည်။

ဗီတာမင်နှင့်သတ္ထုဓာတ်

👉 ငါးများ၏ခုခံအားကို ကူညီထောက်ပံ့ပေးသည်။

👉 ပုံမှန်ကြီးထွားမှုနှင့်ဖွံ့ဖြိုးမှုကို ကူညီထောက်ပံ့ပေးသည်။

👉 ဗီတာမင်နှင့်သတ္ထုဓာတ် မရှိလျှင်ငါးများကိုရောဂါဖြစ်စေသည်။

သဘာ၀အစာ

👉 သဘာ၀အစာသည်ငါးများအတွက်မရှိမဖြစ်လိုအပ်သည်။

👉 သဘာဝအစာများကို ငါးကန်ထဲတွင်တွေ့ရသည်။

👉 သဘာဝအစာထဲတွင်ဘက်တီးရီးယား၊ အပင်မျှော၊ သတ္တမျှော၊ အင်းဆက်နှင့် ရေမှော်တို့ပါဝင်သည်။

👉 သဘာ၀အစာကောင်းမွန်မှုသည်ရေအရည်အသွေးပေါ်တွင်မူတည်သည်။

👉 သဘာဝဓာတ်မြေသြဇာအသုံးပြုခြင်းဖြင့် သဘာဝအစာကို တိုးလာစေသည်။

ဖော်စပ်စာကျွေးခြင်း၏ကောင်းကျိုးဆိုးကျိုးများ

👉 အရည်သွေးမြင့်သော ကုန်ကြမ်းများ၀ယ်ယူရန်ခက်ခဲသည်။

👉 အာဟာရဓာတ်ပြယ်စေသောဂုဏ်သတ္တိများ ပါ၀င်နိုင်သည်။

👉 တိကျသည့်အစာအချိူးအစားနှင့်ဖော်စပ်နည်းကို သိရမည်။

👉 တခြားဖြည့်စွက်အစာများ ထပ်မံ၍ထည့်သွင်းပေးရသည်။

👉 အစာအကြွင်းအကျန်များသည် ကန်၏ရေအရည်အသွေးကို ထိခိုက်စေနိုင်ပါသည်။

👉 ဖော်စပ်စာကိုအသုံးပြုခြင်းသည်ကုန်ကျစရိတ်ကို လျှော့ချသော်လည်း ငါးများအတွက်လိုအပ်သော အခြားမရှိမဖြစ်အဟာရဓာတ်များ မပါ၀င်နိုင်ပါ။

👉 ငါးမွေးသည့်ကာလ အလွန်ကြာမြင့်သည်။

အစာတောင့်ကျွေးခြင်း၏ကောင်းကျိုးဆိုးကျိုးများ

👉 အစာအတွက်ကုန်ကျစရိတ်များမည်။

👉 အသားဓာတ်၊ ကစီဓာတ်၊ ကာဘိုဟိုက်ဒရိုက်၊ ဗီတာမင်နှင့်အခြားဓာတ်များ ပါဝင်သည်။

👉 အလွယ်တကူဝယ်ယူရရှိနိုင်သည်။

👉 အစာတောင့်သုံးခြင်းအားဖြင့် ဖြည့်စွက်စာထည့်သုံးရန် မလိုအပ်ပါ။

👉 အစာကျွေးရန်လွယ်ကူသည်။

👉 အချိန်ကုန်သက်သာစေပြီး ကုန်ကျစရိတ်ကို လျှော့ချနိုင်သည်။

👉 အာဟာရဓာတ်ပြယ်စေသောဂုဏ်သတ္တိများမပါ၀င်ပါ။

👉 ကန်ရေညစ်ညမ်းမှုကိုလည်း လျှော့ချနိုင်သည်။

👉 အချိန်တိုအတွင်း ငါးများကို ကြီးထွားစေသည်။

လိုက်နာသင့်သော ငါးအစာကျွေးခြင်းစီမံခန့်ခွဲမှု

👉အသားတိုးငါးများအတွက် ငါးခန္ဓာကိုယ်အလေးချိန်၏ ၁.၅ % - ၂ %ကို ကျွေးရန်သင့်တော်သည်။

👉 စုစုပေါင်းငါးအလေးချိန်၏ ၅ %ကို အလေးချိန်၍ အစာရာခိုင်နှုန်း တွက်ကျွေးရမည်။

👉 ဖော်စပ်စာကိုကျွေးရာတွင်ဗီတာမင်နှင့်အခြားသောအဟာရဓာတ်များကို ထပ်ထည့်ကျွေးရန်လိုအပ်သည်။

👉 ဖော်စပ်စာကိုအသုံးပြုရာတွင် ကုန်ကျစရိတ်သက်သာ၍ ငါးမွေးချိန်အလွန်ရှည်လျားပါသည်။

👉 အစာတောင့်ကိုကျွေးမည်ဆိုလျှင်ကုန်ကျစရိတ်များ၍ ငါးမွေးမည့်အချိန်ကာလ တိုတောင်းပါသည်။

👉 တစ်နေ့အစာ(၂)ကြိမ်ကျွေးခြင်းသည် အကောင်းဆုံးဖြစ်သည်။

👉 အစာအိတ်များကို စနစ်တကျကောင်းမွန်စွာ ထိန်းသိမ်းသိုလှောင်ရမည်။

👉 အစာအိတ်များထားသည့်နေရာသည် စိုစွတ်မှုမရှိစေရ ၊ ကြွက်နှင့်တခြားသော ပိုးမွှားတိရစ္ဆာန်များမလာ‌နိုင်အောင် တားဆီးထိန်းချုပ်ထားရမည်။

👉 အစာအိတ်များသယ်ဆောင်ရာတွင်နေရောင်ခြည်နှင့်တိုက်ရိုက်ထိတွေ့ခြင်းကို ကာကွယ်ရှောင်ရှားရမည်။

👉 အစာကျွေးခြင်းနှင့်ပတ်သက်၍ နေ့စဉ်မှတ်တမ်းထားရှိရမည်။

Rio Amora

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...