နို့ညှစ်ပုံးနှင့်နို့ညှစ်ရာတွင် အသုံးပြုသည့် ပစ္စည်းများကို ဆေးကြောခြင်း

ရည်ရွယ်ချက်
နို့ညှစ်သည့်ပုံးများနှင့် နို့စစ်သည့်ရေစစ်၊ နို့ချဉ်ခွက်များသည် ခြောက်သွေ့သန့်ရှင်းရန် အရေးကြီးပါသည်။ ထိုသို့ သန့်ရှင်းခြောက်သွေ့အောင်ဆောင်ရွက်ခြင်းဖြင့် နို့ညှစ်သည့်အခါနှင့် နို့ခြင်သည့်အခါများတွင် နို့အတွင်းသို့ ဘက်တီးရီးယားပိုးပွားမွှာများ ဝင်ရောက်ခြင်းကို တားဆီးနိုင်မည်ဖြစ်သည်။
၁။ ရေဖြင့်ဆေးကြောခြင်း
သန့်ရှင်းသည့်ရေကို အသုံးပြုပါ။
ပုံး၏မျက်နှာပြင်များကိုနှံအောင်ဆေးကြောပါ။
ဆေးပြီးသောရေများကို သွန်ပစ်ပါ။ ထပ်မံအသုံးမပြုရ။

၂။ ဆပ်ပြာဖြင့်ဆေးကြောခြင်း
ပုံးထဲသို့ဆပ်ပြာတစ်ဇွန်းနှင့် ရေ(၂)လီတာ ထည့်ပါ။
ပုံးနှင့်ပစ္စည်းများကို သေချာပွတ်တိုက်ပါ။
ဆေးပြီးသောရေများကို သွန်ပစ်ပါ။ ထပ်မံအသုံးမပြုရ။

၃။ ကလိုရင်းဖြင့်ဆေးကြောခြင်း
ပုံးထဲသို့ ကလိုရင်းတစ်ဇွန်းနှင့်ရေ(၃)လီတာထည့်ပါ။
ပုံး၏မျက်နှာပြင်များကို ကလိုရင်းရည်ဖြင့် သေချာစွာဆေးပါ။
နို့ခြင်ခွက်၊ ရေစစ်တို့ကို ရေထဲတွင်နှစ်၍ဆေးပါ။
ဆေးပြီးသောရေများကို သွန်ပစ်ပါ။ ထပ်မံအသုံးမပြုရ။
၄။ အခြောက်ခံခြင်း
ခြောက်သွေ့သောမျက်နှာပြင်တွင်
ဘက်တီးရီးယားပိုးများ
မပေါက်ဖွားနိုင်ပါ။
နို့ညှစ်ပုံးနှင့်နို့ညှစ်ရာတွင်အသုံးပြုသည့်ပစ္စည်းများကို ဆေးကြောခြင်း
၁။ ရေဖြင့်ဆေးကြောခြင်း
  နို့ညှစ်ပုံးများ၊ နို့ခြင်ခွက်၊ ရေစစ်တို့ကို ရေဖြင့်သေချာစွာဆေးကြောရပါမည်။ ထိုသို့ဆေးကြောခြင်းဖြင့် နို့ပုံးများ ရှိ အညစ်အကြေးများကို ၉၅% သန့်ရှင်းပြီးဖြစ်ပါသည်။ ထိုသို့ ဆေးကြေားရန်အသုံးပြုသည့်ရေသည်လည်း သန့်ရှင်းရန်အရေးကြီးပါသည်။
နို့ညှစ်ပုံးနှင့်နို့ညှစ်ရာတွင်အသုံးပြုသည့်ပစ္စည်းများကို အောက်ပါအတိုင်းဆေးကြေားရပါမည်။
၁။ ဦးစွာရေတစ်ပုံးဖြင့် နို့ညှစ်ပုံး၊ ရေစစ်၊ နို့ခြင်ခွက်စသည်တို့ကို ဆေးကြောရပါမည်။
၂။ ထိုသို့ဆေးကြောရာတွင် သန့်ရှင်းကြည်လင်သည့်ရေကို အသုံးပြုရပါမည်။
၃။ အကယ်၍ရေသည် ကြည်လင်သန့်ရှင်းမှုမရှိပါက ရေတစ်ပုံးထဲသို့ ကလိုရင်းလဘက်ရည်ဇွန်း(၂)ဇွန်း ထည့်၍ သုံးပါ။
၄။ ပုံးများနှင့်အသုံးပြုသည့် ပစ္စည်းများကို သေချာပွတ်တိုက်ဆေးကြောပါ။
၅။ ဆေးကြောပြီးသော ရေများကို သွန်ပစ်ပါ။ ထပ်မံအသုံးမပြုရပါ။
၆။ ရေဖြင့်ဆေးပြီးသောအခါ ပစ္စည်းများကိုသေချာရေစစ်ပါ။
၂။ ဆပ်ပြာဖြင့်ဆေးကြောခြင်း
နို့ညှစ်ပုံးနှင့် အသုံးပြုသည့်ပစ္စည်းများ သန့်ရှင်းရန်အတွက် ရေဖြင့်ဆေးကြောသည့်အခါ ရေနွေး၊ ဆပ်ပြာတို့ဖြင့် ထပ်မံ၍ သေချာပွတ်တိုက်ဆေးကြောရပါမည်။ ထိုသို့ဆေးကြောရာတွင် အယ်ကာလိုင်းဆပ်ပြာကို အသုံးပြု သင့်ပြီး အကယ်၍မရရှိပါက နို့ပုံးများတွင် အနံ့မစွဲစေရန် အနံ့မပါသည့် ပန်ကန်ဆေးဆပ်ပြာကိုအသုံးပြုနိုင် ပါသည်။
နို့ညှစ်ပုံးနှင့်နို့ညှစ်ရာတွင်သုံးသည့်ပစ္စည်းများကို အောက်ပါအတိုင်းဆေးကြောရပါမည်။
၁။ ပုံးထဲသို့ ရေတစ်ဝက်ခန့်ထည့်ပါ။ ရေနွေးရနိုင်လျှင်ရေနွေးသုံးပါ။
၂။ ရေထဲသို့ ဆပ်ပြာလဘက်ရည်တစ်ဇွန်(၁)ဇွန်းထည့်ပါ။
၃။ နို့ပုံးနှင့်အသုံးပြုသည့် ပစ္စည်းများကို ဘရက်ရှက်သို့မဟုတ် အဝတ်သန့်သန့်ဖြင့်သေချာပွတ်တိုက်ပါ။
၄။ ဆေးကြောပြီသောအခါ ဆပ်ပြာရည်များကို သွန်ပစ်ပါ။ ထပ်မံအသုံးမပြုရ။
၅။ ထို့နောက်ပုံး၊ ရေစစ်၊ နို့ခြင်ခွက်စသည်တို့ကို သေချာစစ်ပါ။
၃။ ကလိုရင်းဖြင့်ပိုးသတ်ဆေးကြောခြင်း
နို့ညှစ်ရာတွင်အသုံးပြုသည့် ပုံးများ၊ ရေစစ်များ၊ နို့ခြင်ခွက်များသည် သန့်ရှင်းမှသာလျှင် နို့အရည်အသွေး ကောင်းမွန်မည်ဖြစ်ပါသည်။
ပုံးထဲသို့ရေတစ်ဝက်ခန့်ထည့်၍ ကလိုရင်းရည် လဘက်ရည်ဇွန်းတစ်ဇွန်းထဲ့ပါ။
ပုံးအတွင်းမျက်နှာပြင်များကို သေချာစွာပွတ်တိုက်ပြီး ရေစစ်၊ နို့ခြင်ခွက်စသည်တို့ကို ထိုရေထဲသို့နှစ်ဆေးပါ။
ထိုသို့ဆေးကြောပြီးနောက် ရေကိုသွန်ပြီး ပစ္စည်းများကို ရေစစ်ပါ။
၄။ ရေစစ်ခြင်းနှင့် အခြောက်ခံခြင်း
ပုံးများကိုစင်ပေါ်တွင်မှောက်၍ အခြောက်ခံပါ။ခြောက်သွေ့ပါက ပုံးကိုအဖုံးဖုံးထားပါ။
ထိုသို့ပုံးများခြောက်သွေ့ခြင်းသည် ဘက်တီးရီးယားပိုးပေါက်သွားခြင်းကို တားဆီးနိုင်ပါသည်။
မြန်မာ-နယူးဇီလန် ကောင်းမွန်သော နို့စားနွားမွေးမြူရေး ဖွံ့ဖြိုးတိုးတက်မှု စီမံကိန်း

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်