လာမည့် ၃ ရက်အတွင်း မိုးများနိုင်၊ မိုးနည်းနိုင်သည့်ဒေသများ

မုတ်သုံလေအားအလွန်ကောင်းနေမှုနဲ့အတူ လာမယ့် ၃ ရက်အတွင်း တစ်နိုင်ငံလုံးနီးပါးမှာ မိုးရွာ သွန်းမှုတွေ၊ မိုးများမှုတွေ ဆက်ရှိနိုင်ကာ ရခိုင်ကမ်းရိုးတန်းတစ်လျှောက်မှာတော့ မိုး အလွန်များ နိုင်တယ်လို့ နိုင်ငံတကာမိုးလေဝသထုတ်ပြန်ချက်တွေကိုကိုးကားပြီး မိုးလေဝသ ခန့်မှန်းပေးနေသူ ဦးဝင်းနိုင်က ပြောပါတယ်။

ဒီလို မိုးတွေများနေတာဟာ ဘာကြောင့်လဲ၊ ဒီနေ့ ဇွန် ၂၃ ရက် မွန်းလွဲ ၃ နာရီကနေ ဇွန် ၂၅ ရက် မွန်းလွဲ ၃ နာရီထိ ဘယ်ဒေသတွေမိုးများနိုင်လဲ၊ ဘယ်ဒေသတွေ မိုးနည်းနိုင်လဲ ဆိုတာတွေကို ဦးဝင်းနိုင်ထံ Green Way က ဆက်သွယ်မေးမြန်းထားတာကို ဖော်ပြပေးလိုက်ပါတယ်။

မိုးတွေများနေတာ ဘယ်လို အကြောင်းတွေကြောင့်လဲ?

“ ဘင်္ဂလားပင်လယ်အော်မြောက်ပိုင်း အိန္ဒိယနဲ့ ဘင်္ဂလားဒေ့ရှ်နယ်စပ် ကိုးလ်ကတ္တားရဲ့တောင်ဘက်မှာ ကုန်းတွင်းလေဖိအားနည်းရပ်ဝန်းတစ်ခုဖြစ်နေတယ်။ ၂၇၊ ၂၈ လောက်ထိ အဲ့ဒီလိုပဲ ကုန်းတစ်ပိုင်း၊ ရေတစ်ပိုင်းနဲ့ရွေ့နေမှာ။ ပြီးမှ အိန္ဒိယကုန်းတွင်းကို ကုန်းတွင်းမုန်တိုင်းအဖြစ်ဝင်သွားမယ်လို့ တွေ့ ထားတယ်။ သူ့ရဲ့အရှိန်ကြောင့် အခု မုတ်သုံလေတအားအားကောင်းလာပြီး မိုးတွေများလာတာပေါ့။ အထိဆုံးကတော့ ရခိုင်ကမ်းရိုးတန်းတစ်လျှောက်လုံးပဲ။ အဲ့ဒီအားကောင်းတဲ့မုတ်သုံလေက အလယ် ပိုင်းဒေသတွေနဲ့ ဟိုး ကချင်ပြည်နယ်အထက်ပိုင်းထိ ရောက်တယ်။ အမြင့်ပေ ၅၀၀၀ လောက်မှာ တစ်နာရီ မိုင် ၃၀ လောက်နဲ့တိုက်ပြီးတော့ ဘင်္ဂလားပင်လယ်အော်တစ်ခုလုံးမှာဖြစ်တဲ့မိုးတိမ်တွေကို ဆွဲသွင်းနေတဲ့အခြေအနေဖြစ်နေတာ။ အဲ့ဒီအရှိန်က ၂၈ ရက်နေ့လောက်ထိ ရှိနေနိုင်တယ်”

မိုးအများဆုံးဖြစ်နိုင်တဲ့ဒေသများ

ရခိုင်ကမ်းရိုးတန်းတစ်လျှောက် - မိုးရေချိန်စုစုပေါင်း ၆.၇ လက်မအထိ ရွာနိုင်

“ အများဆုံးဖြစ်မှာက ရခိုင်ပဲ။ ၃ ရက်အတွင်းမှာ ရခိုင်ကမ်းရိုးတန်းက စစ်တွေဝန်းကျင်ပေါ့။ ပြောမယ်ဆိုရင် ရခိုင်ကမ်းရိုးတန်းက မြို့တွေတစ်လျှောက်လုံးပါတယ်။ ဂွကနေစပြီးတော့ ဟိုး ဘင်္ဂလားဒေ့ရှ်နယ်စပ်ထိ။ အကုန်မိုးကောင်းမယ်။ ချင်းပြည်နယ်တောင်ပိုင်းလေးတောင် ကွက်ကွက်ကလေးပါတယ်။ စမီးတို့၊ ပလက်ဝဒေသလေးတွေ ”

ဒုတိယမိုးအများဆုံးဖြစ်နိုင်သည့်ဒေသများ

ရခိုင်ပြည်နယ်၊ မွန်ပြည်နယ်၊ ကရင်ပြည်နယ်၊ တနင်္သာရီတိုင်း၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ နေပြည်တော်၊ စစ်ကိုင်းတိုင်းအထက်ပိုင်း၊ မန္တလေးတိုင်းအထက်ပိုင်း၊ ကချင်ပြည်နယ်၊ ရှမ်းပြည်နယ် ဒေသအချို့။

“ ဘယ်လောက်များနိုင်လဲဆိုရင် ဗန်းမော်နဲ့လိုင်ဇာပတ်ဝန်းကျင်ဆို ၃ ရက်အတွင်း ၆ လက်မကျော်ထိ မိုးများနိုင်တယ်။ ရှမ်းပြည်နယ်အနေနဲ့ပြောမယ်ဆိုရင် လားရှိုးနဲ့ကွတ်ခိုင်ကြားထဲမှာ ၅ လက်မလောက်ထိများနိုင်တယ်။ မိုင်းတုံဘက်မှာ ၄ လက်မလောက်ဖြစ်မယ်။ ပြီးတော့မှ အောက်ဘက်ကိုဆင်းလာရင် မိုင်းရှူး၊ နမ့်စမ်၊ ကျိုင်းတုံပတ်ဝန်းကျင်တွေမှာက ၃ လက်မခွဲလောက်ထိ များနိုင်တယ်။ တာချီလိတ်ဘက် ရှမ်းပြည်နယ်အရှေ့ပိုင်းမှာတော့ အရမ်းမများဘူး။ ၂ လက်မ အများဆုံးပဲ”

“ ပဲခူးဆိုရင် ညောင်လေးပင်၊ တောင်ငူနဲ့ နေပြည်တော်နဲ့ထိစပ်တဲ့နေရာတွေအထိက ၃ လက်မခွဲကနေ ၄ လက်မလောက်သွားမှာ။ ၃ ရက်အတွင်းမှာ”

“ ရန်ကုန်တိုင်းမှာဆိုရင်တော့ ၂ လက်မခွဲကနေ ၃ လက်မ လောက်ထိ ရှိနိုင်တယ်။ ပဲခူးထက်စာရင်တော့ နည်းတယ်။ ဧရာဝတီတိုင်းဆိုရင် ကမ်းရိုးတန်းနဲ့ကပ်တဲ့ ဖျာပုံ၊ ဘိုကလေး နေရာတွေလောက်ပဲ ၁ လက်မကျော် ၂ လက်မကြားလောက် မိုးနည်းနိုင်တယ်။ ကျန်တဲ့နေရာတွေ မှာတော့ ၂ လက်မအထက် တွေချည်းမိုးများနိုင်တယ်”

“ မွန်၊ ကရင်၊ တနင်္သာရီဘက်ဆိုရင် အများဆုံး ၃ လက်မခွဲပဲ။ မော်လမြိုင်၊ ဘားအံ၊ ကော့ကရိတ်ဘက် ပေါ့။ နောက်ပြီးတော့ ရေး၊ လမိုင်းအထိ။ ထားဝယ်ကနေစပြီးတော့တော့ မိုးနည်းသွားမယ်။ ကော့သောင်ဘက်မှာဆို ၁ လက်မလောက်တောင် မရွာတော့ဘူး”

မိုးနည်းနိုင်သည့်ဒေသများ

“ အနည်းဆုံးကတော့ မကွေးနဲ့ ကယားပြည်နယ် လွိုင်ကော်ပတ်ဝန်းကျင်မှာပဲ။ ဒါတောင် နည်းနည်း ပါးပါးတော့ရွာမှာ။ မိုးလုံးဝတိတ်နေမှာမျိုးတော့မဟုတ်ဘူး”

Photos Crd_ U Win Naing, မိုး/ဇလ

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...