ထိုင်းပီလောပီနံစိုက်တောင်သူများပြဿနာ အာဂျီနိုမိုတို ကူညီဖြေရှင်းမည်

ထိုင်းစိုက်ပျိုးရေးကဏ္ဍ ရေရှည်ဖွံ့ဖြိုးတိုးတက်ရေး၊ အထူးသဖြင့် ပီလောပီနံစိုက်တောင်သူတွေရဲ့ စားဝတ်နေရေးမြှင့်တင်ပေးနိုင်ရေးအတွက် အာဂျီနိုမိုတိုအုပ်စုက အကူအညီတွေ ပေးသွားမယ်လို့ သိရပါတယ်။

ပီလောပီနံဟာ အချိုမှုန့်အပါအဝင် အာဂျီနိုမိုတိုထုတ်ကုန်တွေအတွက် အဓိကကုန်ကြမ်းလည်း ဖြစ် ပါတယ်။

အာဂျီနိုမိုတိုကုမ္ပဏီ(ထိုင်း) ရဲ့ ကုမ္ပဏီခွဲတစ်ခုဖြစ်တဲ့ FD Green (Thailand) ဟာ မကြာသေးခင်က မိုစိတ် ရောဂါ(ဗိုင်းရပ်စ်ရောဂါ)ကင်း ပီလောပီနံမျိုးကိုင်းတွေကို အောင်မြင်စွာထုတ်လုပ်နိုင်ခဲ့ပါတယ်။ ဒီမျိုး ကိုင်းတွေကို ထိုင်းနိုင်ငံမှာပျံ့နှံ့နေတဲ့ ပီလောပီနံမိုစိတ်ရောဂါကို လျှော့ချနိုင်ဖို့ ကူညီပေးဖို့ သုံးသွားမှာပါ။

FD Green (Thailand) ကုမ္ပဏီဟာ သူတို့ထုတ်လုပ်ထားတဲ့ရောဂါဒဏ်ခံမျိုးကိုင်းတွေရဲ့ အကျိုး သက် ရောက်မှုကို စမ်းသပ်ဖို့အတွက် Asia Modified Starch ကုမ္ပဏီနဲ့ ဘုရင်ကြီးမောင်ကွတ်ရဲ့ သောင်ဘူရီ နည်းပညာတက္ကသိုလ်(ရချနဘူရီလေ့လာရေးစင်တာ) တို့ထံ အရည်အသွေးမီ ပီလောပီနံမျိုးကိုင်း ၆၇၀၀ နဲ့ ၁၂၆၀ စီ အသီးသီး ယခုနှစ်ထဲမှာ ဖြန့်ချိပေးထားပါတယ်။

တကယ်လို့ အကျိုးသက်ရောက်မှုကောင်းတယ်ဆိုရင် နောက်နှစ်ထဲမှာ လယ်သမားမိသားစု ၁၆၁ စုနဲ့ အထက်အား အရည်အသွေးမြင့်မျိုးကိုင်းတွေထပ်မံဖြန့်ဖြူးပေးသွားမှာဖြစ်ပြီး ဒါဟာ ပီလောပီနံ စိုက်ဧက ၄၃၀ ကျော်အတွက် ကာမိစေမယ့်ပမာဏဖြစ်ပါတယ်။ ဒီကူညီမှုဟာ ထိုင်းလယ်သမားတွေရဲ့ ရေရှည် စိုက်ပျိုးရေးကဏ္ဍအတွက် အရေးပါတဲ့ကူညီမှုဖြစ်လာမှာပါ။

ထိုင်းနိုင်ငံဟာ ကမ္ဘာ့ပီလောပီနံဈေးကွက်ထံ တတိယမြောက်အများဆုံးတင်ပို့တဲ့နိုင်ငံဖြစ်ပြီး အဲ့ဒီကနေ နှစ်စဉ် ထိုင်းဘတ်ငွေ ဘီလျံ ၁၀၀ ခန့် ဝင်ငွေရနေတာပါ။ ဒါပေမဲ့ လက်ရှိမှာတော့ ပီလောပီနံမိုစိတ်ရော ဂါကြောင့် ထုတ်လုပ်နိုင်စွမ်းပမာဏဟာ တစ်နှစ်ကို ၂၀ ကနေ ၈၀ ရာခိုင်နှုန်းအထိ လျော့ကျနေတာ ဖြစ် ပါတယ်။ ဒါ့အပြင် နောက်တစ်နှစ်စိုက်ရာသီအတွက် ရောဂါကင်း မျိုးကိုင်းသစ်တွေကို ရရှိနိုင်ဖို့အရေး မှာလည်း ကုန်ကျစရိတ် ပိုသုံးနေရပြန်ပါသေးတယ်။

ဒါကြောင့်လည်း အခုလို ရောဂါကင်းမျိုးကိုင်းတွေကို အခမဲ့ကူညီဖြန့်ဖြူးပေးနိုင်ခြင်းဟာ ပီလောပီနံ ဗိုင်းရပ်စ်ကပ်ဘေး ခံစားနေရတဲ့ ထိုင်းတောင်သူတွေကို ဝင်ငွေတိုးလာနိုင်စေပြီး သူတို့ရဲ့ဘဝကို မြှင့်တင်ပေးနိုင်မယ်လို့ အာဂျီနိုမိုတိုကုမ္ပဏီက ယုံကြည်နေတာပါ။ ထပ်ပြောရမယ်ဆိုရင် ပီလောပီနံ ထုတ်လုပ်ရေးထိခိုက်ဆုံးရှုံးနေမှုနဲ့အတူ စားနပ်ရိက္ခာလေလွင့်ပြုန်းတီးမှုဖြစ်နေတဲ့ပြဿနာကိုလည်း လျှော့ချပေးနိုင်ပါလိမ့်မယ်။

Ref; https://www.nationthailand.com/pr-news/more/pr-news/40029321

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်