ချဉ်ဖတ်ပြုရန်အတွက် အစာစိမ်းလုံလောက်မှုနှင့် ပိုလျှံမှုများကို တွက်ချက်ခြင်း (Feed Budgeting for Silage making)

MDEP     15/08/2019 15:30 PM     Content Provider - MDEP
Photo - Photo - MDEP

ဇူလိုင်၊ သြဂုတ်နှင့် စက်တင်ဘာလတွေဟာ မြန်မာနိုင်ငံရှိ နို့စားနွားမွေးသူ အများစုအတွက် အရည်အသွေးကောင်းမွန်သော အစာစိမ်းများ အများအပြားရရှိသော ကာလဖြစ်ပါတယ်။

အစာစိမ်းပေါမျာသည့်ကာလတွင် မိမိစိုက်ပျိုးထားသော အစာစိမ်းပမာဏနှင့် မိမိနွားများအတွက်လုံလောက်မှုအတိုင်းအတာ ခန့်မှန်းခြေကို သိရှိထားဖို့ အရေးကြီးပါတယ်။

မိုးတွင်းကာလမှာ အစာစိမ်းလုံလောက်ရုံသာမက အချို့သော မွေးမြူတောင်သူများတွင် ပိုလျှံနေနိုင်ပါတယ်။

အကယ်၍ ပိုလျှံနေပါက နွားအတွက် ဘယ်လိုထိန်းသိမ်းထားမှာပါသလဲ။ ပိုလျှံနေသော အစာစိမ်းကို အာဟာရတန်ဖိုး လျှော့ကျမှုအနည်းဆုံးဖြစ်ပြီး ကြာရှည်ထိန်းသိမ်းထားနိုင်မည့် အကောင်းဆုံးနည်းလမ်းကတော့ နွားစာချဉ်ဖတ်ပြုလုပ်ထားခြင်း ဖြစ်ပါတယ်။

နှံစားပြောင်း ၁ ဧက နှစ်ကြိမ် ရိတ်သိမ်းခြင်းမှ ရရှိနိုင်သော ပိဿာချိန် ခန့်မှန်းတွက်ချက်ခြင်း

ပထမအကြိမ် - ၁၈ တန် = ၁၈၀၀၀ ကီလိုဂရမ် = ၁၁၂၅၀ ပိဿာ

ဒုတိယအကြိမ် - ၂၀ တန် = ၂၀၀၀၀ ကီလိုဂရမ် = ၁၂၅၀၀ ပိဿာ

စုစုပေါင်း - ၃၈ တန် = ၃၈၀၀၀ ကီလိုဂရမ် = ၂၃၇၅၀ ပိဿာ

၈ ပိဿာဝင်ခြင်းတောင်းဖြင့် ချိန်တွယ်ပါက ၂၉၆၈ တောင်း ရရှိနိုင်ပါသည်။

နို့စားနွားမ ၁ ကောင်အတွက် လုံလောက်သောထုတ်လုပ်မှုရစေရန် အစာနု (ဝါစေ့ဖတ်နှင့် ပဲနှစ် စုစုပေါင်း ၃ ပိဿာ) ကျွေးနေပါက နှံစားပြောင်း အစို ၈ ပိဿာဝင်တောင်းဖြင့် ၁ ရက်လျှင် ၅ တောင်းကျွေးရန် လိုအပ်ပါသည်။

နို့စားနွားမ ၁ ကောင် - 

၁ ရက်စာအတွက် အစာစိမ်းလိုအပ်ချက် = ၅ တောင်း

၁ လစာအတွက် အစာစိမ်းလိုအပ်ချက် = ၁၅၀ တောင်း

မိုးရာသီ (ဇူလိုင်လမှ အောက်တိုဘာလအထိ) အစာစိမ်းလိုအပ်ချက် = ၆၀၀ တောင်း

၁ဧကမှ ရနိုင်သော ခြင်းအရေအတွက် = ၂၉၆၈

နို့စားနွားမ ၁ ကောင် မိုးရာသီ ၄ လအတွက် အစာစိမ်းလိုအပ်ချက် ခြင်းအရေအတွက် = ၆၀၀ တောင်း

၁ ဧကမှ မိုးရာသီ ၄ လအတွက် လုံလောက်သော နို့စားနွားမကောင်ရေ = ၅ ကောင်

ပြောင်း ၁ ဧက စိုက်ပျိုးထားပြီး နို့စားနွားမ ၅ ကောင် မွေးမြူထားသောခြံသည် မိုးရာသီ ၄ လစာအတွက်သာ ကျွေးရန်လုံလောက်သည်။

ပြောင်း ၁ ဧက စိုက်ပျိုးထားပြီး နို့စားနွားမ ၃ ကောင် မွေးမြူထာသောခြံသည် မိုးရာသီ ၃ လ + နွေရာသီ ၂ လခွဲအတွက်ပါ ကျွေးရန်လုံလောက်သည်။

မွေးမြူသူတွေအနေဖြင့် နွေရာသီတွင် မိမိနွားမများ၏ထုတ်လုပ်မှုကို မိုးရာသီကဲ့သို့ ထုတ်လုပ်မှု ပေးနိုင်စေရန်နှင့် အစာနုဖိုး လျော့ချနိုင်စေရန်အတွက် မိုးရာသီတွင်ပိုလျှံသော အစာစိမ်းကို (သို့) ပိုလျှံအောင်စိုက်ပျိုး၍ ရလာသော အစာစိမ်းများကို နွေရာသီအတွက် ချဉ်ဖတ်သိပ်၍ ကျွေးမွေးကြရန် တိုက်တွန်းအပ်ပါသည်။  နွားစာချဉ်ဖတ်သိပ်ပြီး ကျွေးမွေးကြရပါသည်။ 

 



ယခုဆောင်းပါးက သင့်အတွက် အသုံးဝင်ပါသလား?

  ဆိုရိုးစကား  

" နိုင်ငံဖွံ့ဖြိုးတိုးတက်လာလေလေ အသားစားမှုနှုန်းမြင့်တက်လာလေ ဖြစ်သည် "