ကြက်၊ ဘဲဝမ်းကျရောဂါကို ရိုးရာကုထုံးဖြင့် ကာကွယ်ကုသနည်း

ကျေးလက်ဒေသတွင် ကြက်၊ ဘဲမွေးမြူသူများအနေဖြင့် ကြက်၊ ဘဲဝမ်းကျရောဂါအကြောင်းကို သိရှိထားရန်လိုသဖြင့် ရောဂါလက္ခဏာများ၊ ရောဂါမဖြစ်ရအောင် ကာကွယ်နည်းများနှင့် ရောဂါဖြစ်ပွား ပါကကုသနိုင်ရန်အတွက် တိုင်းရင်းဆေးနည်းများကိုပါ ဖော်ပြပေးလိုက်ပါသည်။

ဝမ်းကျရောဂါသည် မတူကွဲပြားသော အကြောင်းအမျိုးမျိုးကြောင့် ဖြစ်ပွားနိုင်ပါသည်။

ဝမ်းကျရောဂါတွင် သွေးနှင့် ရေပါသော ဝမ်းကျရောဂါ၊ ဘက်တီးရီးယားကြောင့်ဖြစ်သော ဝမ်းကျရောဂါ ဟူ၍ ရှိပါသည်။

ဝမ်းသွားသောအခါ ကပ်ပါးပိုးများပါလာခြင်း၊ ရေပါလာခြင်းတို့မှာ ကပ်ပါးပိုးကြောင့် ဖြစ်ပါသည် ။
ဝမ်းတွင် အစိမ်းရောင်(သို့မဟုတ်) အဖြူရောင်များပါလာခြင်းမှာ ဘက်တီးရီးယားကြောင့် ဖြစ်ပါသည်။

ရောဂါလက္ခဏာများမှာ

- ဝမ်းမကြာခဏ ကျဆင်းခြင်း၊

- ဝမ်းတွင် ရေပါလာခြင်း၊

- ဝမ်းတွင် အစိမ်းရောင်(သို့မဟုတ်) အဖြူရောင်များ ပါလာခြင်း၊

- ဝမ်းအရည်ဖြစ်ပြီး မီးခိုးရောင်များဖြစ်နေခြင်း (အစာရုတ်တရက် ပြောင်းလိုက်ခြင်း၊ အစာများ လွန်းခြင်း၊ ဆားများခြင်းတို့ကြောင့် ဖြစ်နိုင်ခြင်း)

- ဝမ်းမှာ အရည်ဖြစ်ပြီး အစိမ်းရောင်ဖြစ်နေခြင်း၊ ဝမ်းအနံ့ဆိုးခြင်းတို့ဖြစ်ပေါ်သည်။

ကြက်၊ ဘဲဝမ်းကျနာဖြစ်လျှင် တစ်ရွာလုံးရှိ ကြက်၊ ဘဲများ ရွာလုံးကျွတ်သေနိုင်သဖြင့် ကြောက်မက် ဖွယ် ကူးစက်ရောဂါ တစ်မျိုးဖြစ်ပါသည်။

ကာကွယ်နည်း

- မွေးမြူထားသော ကြက်၊ ဘဲများကို သန့်ရှင်းလတ်ဆတ်သော ရေကိုသာတိုက်ပါ။

- သန့်ရှင်းလတ်ဆတ်သော အစာကိုသာကျွေးပါ။

- အိမ်နှင့် အနီးဝန်းကျင်ကို သန့်ရှင်းအောင် ရှင်းလင်းပေးပါ။

- အမှိုက်သရိုက်နှင့် ကြက်၊ ဘဲချေးများကို စနစ်တကျ စွန့်ပစ်ပါ။

- ကြက်သွန်ဖြူ ၁၀ မွှာ၊ ထိုကြက်သွန်ဖြူ ၁၀ မွှာ အလေးချိန်နှင့် တူသော ပဲနံ့သာ၊ နနွင်းတက်ကို ရောထောင်းပြီး ၁ ရက်စာ ကြက်၊ ဘဲအစာနှင့် ရောပြီး ၁၀ ကောင်ကို ကျွေးပါ။

- သကြား ၁၅ ကျပ်သား၊ နနွင်းမှုန့် ၁၅ ကျပ်သားကို ရေ ၁ လီတာတွင် ရေတစ်ဝက်ခမ်းသည်အထိ ကျိုပါ။ ကျိုထားသော အရည်ကို အအေးခံပြီး ပုလင်းထဲသိမ်းထားပါ။ ထိုအရည် စားပွဲတင်ဇွန်း ၃ ဇွန်းကို ကြက်၊ ဘဲ ၁၀ ကောင်စာသောက်ရေနှင့် ရေဖျော်ပြီး နေ့စဥ်တိုက်ပါ။

ကုသနည်း

အောက်ဖော်ပြပါ ဆေးအညွှန်းမှာ ကြက်၊ ဘဲ ၁၀ ကောင်စာအတွက် ဖြစ်ပါသည်။

၁။ ကြက်သွန်ဖြူ ၁၀ မွှာကိုထောင်းပြီး အစာနှင့်ရောကျွေးပါ။ ဝမ်းကျရောဂါပျောက်ကင်းသည်အထိ ဆက်ကျွေးပါ။

၂။ ကြက်သွန်ဖြူ ၁၀ မွှာ ၊ ကြက်သွန်နီဥ လက်တစ်လုံး၊ စမုံစပါး ၅ မူးသား၊ ပဲနံ့သာ ၅ မူးသား၊ နနွင်းတက် လက်မအရွယ် ၁ တက်ရှာပါ။ ထိုပစ္စည်းများကို ရောထောင်းပြီး အစာနှင့်ရောကျွေးပါ။ အနည်းဆုံး ၂ ရက်၊ ၃ ရက် ဆက်ကျွေးပါ။

၃။ သောက်ရေအဖြစ် ထမင်းရည်ကိုသာ တိုက်ပါ။ ထမင်းရည်သည် ကြက်၊ ဘဲ၏ ခန္ဓာကိုယ်အတွင်းမှ ဝမ်းကျခြင်းကြောင့် ကုန်ခမ်းသွားသောရေကို အစားထိုးရာတွင် ထိရောက်မှု ရှိပါသည်။

၄။ ဂျုံမှုန့်ဖြူကိုသာ အစာအဖြစ်ကျွေးပါ။

၅။ ညံစေ့ (သို့မဟုတ်)ညံပင်အခေါက် ၅ ပဲသားကို ထောင်းပြီး အစာနှင့်ရောကျွေးပါ။

၆။ ဇာတိပ္ဖိုလ်သီး ၁ စိတ်(လေးပုံတစ်ပုံ)ကိုထောင်းပြီး အစာနှင့်ရောကျွေးပါ။

၇။ ဆားမီးဖုတ် ၅ မူးသားနှင့် ဇာတိပ္ဖိုလ်သီး ၁ စိတ်(လေးပုံတစ်ပုံ)ကို ထောင်းပြီးအစာနှင့်ရောကျွေးပါ။

၈။ ဆင်တုန်းမနွယ် လက်၁ဆုပ်၊ ထနောင်းကိုင်း ၄ လက်မ၊ တမာခေါက် ၄ လက်မတို့ကို ရောထောင်းပြီး အရည်ကိုမှင်စုတ်ပြွန်ဖြင့်(သို့မဟုတ်)အပ်ကို ရေနွေးဆူဆူဖြင့် ပြုတ်ထားသော ဆေးထိုးပိုက်ဖြင့်စုတ်ပြီး ကြက်၊ ဘဲတို့၏ ပါးစပ်အတွင်းသို့ ၁ ရက်လျှင် ၂ စက်ခန့်နှုန်းဖြင့် ၃ ရက်ဆက်တိုက်တိုက်ပါ (သို့မဟုတ်) ထိုအရည်ကို ဆန်(သို့မဟုတ်) အစာနှင့် ရောကျွေးပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ကြက်၊ ဘဲဝမ်းကျရောဂါကို ရိုးရာကုထုံးဖြင့် ကာကွယ်ကုသနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ကြက်၊ ဘဲဝမ်းကျရောဂါကို ရိုးရာကုထုံးဖြင့် ကာကွယ်ကုသနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဇီဝကမ္မ ဖြစ်စဉ်ချို့တဲ့မှုကြောင့် ဖြစ်ပွားတတ်သော ရောဂါလက္ခဏာများ

နို့အုံရောင်ရောဂါ စစ်ဆေးခြင်း(၁) (ပထမဆုံးညှစ်သော နို့ရည်ကို စစ်ဆေးခြင်း)

နို့အုံရောင်ရောဂါစစ်ဆေးခြင်း-၂ (အမြန်နည်းဖြင့် စစ်ဆေးခြင်း)

{{ post.title }}