တီလားပီးယားငါးသားပေါက် Mono-sex (အားလုံးအထီးဖြစ်အောင်လုပ်) ထုတ်လုပ်ခြင်း

- တီလားပီးယားငါးများသည် တစ်နှစ်လျှင်အနည်းဆုံး ၆ကြိမ်မှ ၁၀ကြိမ်အထိ သဘာ၀အတိုင်းသားပေါက်နိုင်သည်။

- ငါးသားပေါက် အထီး၊ အမများကို ရော၍မွေး‌မြူပါက ငါးအမများအရွယ်ရောက်ချိန်တွင် ပေါက်ပွားမှုနှုန်းမြန်ဆန်သောကြောင့် ကန်ထဲတွင်ငါးများလာပြီး ကန်ကြပ်ကာ ကြီးထွားနှုန်းမကောင်းခြင်း အစာကုန်ကျစရိတ်ပိုမိုများပြားခြင်း အထွက်နှုန်းနည်းပါးခြင်း စသည်တို့ကိုကြုံတွေ့ရတက်သည်။

ထို့ကြောင့် တီလားပီးယား mono-sex (အားလုံးအထီးဖြစ်အောင်ပြုလုပ်ခြင်း) မွေးမြူခြင်းဖြင့် အောက်ပါကောင်းကျိုးများကိုရရှိစေနိုင်သည်။

(၁) ငါးအထီးများသည် ငါးအမများထက်ကြီးထွားနှုန်းပိုကောင်းခြင်း

(၂) ကြီးထွားနှုန်းပိုကောင်းသောကြောင့် ငါးထွက်နှုန်းပိုမို ကောင်းမွန်စေခြင်း

(၃) သားပေါက်ပွားမှုနှုန်းကို‌ ကောင်းမွန်စွာထိန်းချုပ်နိုင်ခြင်း

(၄) သားပေါက်မှုကိုထိန်းချုပ်နိုင်သဖြင့် ကန်မကြပ်တော့ပဲ ကြီးထွားနှုန်းပိုမိုကောင်းမွန်စေခြင်း

တီလားပီးယားငါးသားပေါက်mono-sex ထုတ်လုပ်သည့်နည်းစနစ်များ

-‌‌ Hormone ကျွေး ထုတ်လုပ်ခြင်း

- မျိုးစိတ်မတူသောမျိုးငါးများအား မျိုးစပ်ထုတ်လုပ်ခြင်း

- မျိုးငါးများအား မျိုးရိုးဗီဇအဆင်ဆင့်မြှင့်တင်ပြီး ငါးသားပေါက်အားလုံး အထီးသီးသန့်မွေးလာအောင်ပြုလုပ်ခြင်း

- ငါးဥအကောင်ပေါက်များကို Hormone (ဟိုမုန်း) အရည်ထဲထည့်ပြီး ultra sound အသုံးပြု၍ အထီးဖြစ်လာအောင်ပြုလုပ်ခြင်း

* အထက်ပါနည်းများစွာထဲမှ Hormone (ဟိုမုန်း) ကျွေးထုတ်လုပ်ခြင်းနည်းစနစ်ကိုသာ ကမ္ဘာပေါ်တွင် ကျယ်ပြန့်စွာအသုံးပြုလျက်ရှိပါသည်။

တီလားပီးယားငါးသားပေါက်ကို ဟိုမုန်းကျွေး၍ mono-sex ထုတ်လုပ်သည့်နည်းစနစ်

- မျိုးငါးကန်များအား ရေဩဇာကောင်းမွန်အောင်ပြုပြင်ရမည်။

- ပြုပြင်ထားပြီးသောကန်များအတွင်း နိုင်လွန်ခြင်ထောင်များထောင်၍ မျိုးငါးအထီး ၁ ကောင်၊ အမ ၂ ကောင်နှုန်းဖြင်ထည့်ရမည်။

- မျိုးငါးများအား ပရိုတိန်း ၂၈-၃၀ ရာခိုင်နှုန်း မျိုးငါးအစာကို ငါးခန္ဓာကိုယ်အလေးချိန်၏ ၂-၃ ရာခိုင်နှုန်းအစာကျွေးရမည်။

- ငါးဥများနှင့် ငါးသားပေါက်များကို တစ်ပတ်လျှင်တစ်ကြိမ်နှုန်းဖြင့် မျိုးငါးအမများ၏ ပါးစပ်ထဲမှ ခေါက်ချ၍ စုဆောင်းယူရမည်။

- သုံးပြီးသားငါးအမများအား တခြားခြင်ထောင်အတွင်းသို့ ပြောင်းရွှေ့ပေးရမည်။

- ပြောင်းရွှေ့ပြီးသော မျိုးငါးအမများနေရာတွင် တခြားမျိုးငါးအမများအား ပြန်လည်၍ အစားထိုးထည့်ပေးရမည်။

-ဤသို့ပြောင်းရွှေ့ခြင်းဖြင့် မျိုးငါးအမ အုပ်စုနှစ်စုအား ငါးသားဖေါက်ရန်အပတ်စဉ် ပုံမှန်လဲလှယ်ပေးပြီးသားဖြစ်သွားမည်။

- ရရှိပြီးသော ငါဥများကို အဆင့်လေးဆင့် သတ်မှတ်ရမည်။

- အဆင့် ၁ နှင့် ၂ ဆိုလျှင် သားဖောက်ခန်းထဲရှိ Incubatorထဲသို့ ထည့်ရမည်။

- အဆင့် ၂ နှင့် ၃ ဆိုလျှင် Tray ဗန်းထဲသို့ ထည့်ရမည်။

- အခန်းအပူချိန်ပေါ်မူတည်၍ ၃ ရက်မှ ၅ ရက်အတွင်း သားပေါက်ပါသည်။

- ပေါက်လာသောငါးသားပေါက်များကို နိုင်လွန်ခြင်ထောင်ထဲသို့ထည့်၍ ဟိုမုန်းစာ စတင်၍ ၂၁ ရက်ပြည့်သည်အထိကျွေးရပါသည်။

- တစ်နေ့လျှင် ဟိုမုန်းစာ ၄ ကြိမ်ကျွေးခြင်းသည် အကောင်းဆုံးဖြစ်သည်။

- ဟိုမုန်းစာ ၂၁ ရက်ကျွေးပြီးနောက် တစ်ခြားခြင်ထောင်ထဲသို့ ပြောင်းရွှေ့ပေးရပါသည်။

- ခြင်ထောင်ပြောင်းပြီးနောက်တီလားပီးယားငါးသားပေါက်များကို တစ်ပတ်လျှင် တစ်ကြိမ်နှုန်းဖြင့် ဆိုဒ်ခွဲဇကာဖြင့် ငါးဆိုဒ်ခွဲပေးရပါသည်။

-အစာကိုအစာတောင့် (သို့) ၊ ဖွဲနု၊ ပဲဖတ် ကျွေးမွေးနိုင်သည်။

ထိုခြင်ထောင်ထဲတွင် ၁ လက်မ၀န်းကျင်အရွယ် ရရှိရန် ၁၀ ရက်မှ ၁၅ ရက်ခန့်ထပ်မံ၍ မွေးမြူပြီးနောက်ငါးမွေးမြူရေးလုပ်ငန်းရှင်များထံသို့ ရောင်းချ၍ ရသွားမည်ဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...