ထရိုင်ကိုဒါးမား ဆိုတာ ဘာလဲ

27/11/2019 15:00 PM တွင် ထွန်းဝင်းကျော် ထွန်းဝင်းကျော် မှ ရေးသား ပြီး Greenovator Greenovator မှ ပေးပို့ထားပါသည်။

ထရိုင်ကိုဒါးမားဆိုတာကတော့  အပင်တွေကို ရောဂါမဖြစ်စေတဲ့  မှိုမျိုးစိတ်ဖြစ်ပြီးတော့ အပင်တွေနဲ့ ပူးပေါင်းပြီး နေထိုင်ကြီးထွားနိုင်ပါတယ်။ အစိမ်းရောင်ရှိတဲ့ အဲ့ဒီထရိုင်ကိုဒါးမားမှိုလေးတွေကိုဆိုရင် အပင်ကြီးထွားဖို့အတွက် လှုံ့ဆော်ပေးတဲ့ သက်ရှိတစ်ခုအဖြစ်၊ ရောဂါကို တိုက်ခိုက်နိုင်တဲ့ သက်ရှိတစ်ခုအဖြစ် သတ်မှတ်ထားကြပါတယ်။ 

အဲ့လိုအချက်တွေကြောင့် ထရိုင်ကိုဒါးမားမှိုလေးတွေကို ဇီဝနည်းအားဖြင့် ထိန်းချုပ်၍ ထုတ်လုပ်ကြပြီးတော့ တစ်ကမ္ဘာလုံးမှာ သုံးစွဲနေကြပြီဖြစ်ပါတယ်။ အများဆုံးသုံးတဲ့ မျိုးစိတ်တွေက

(၁) Trichoderma harzianum

(၂) Trichoderma viride

(၃) Trichoderma atroviride

အဲ့ (၃)မျိုးဖြစ်ပါတယ်။ 

ဒါဆိုရင် ထရိုင်ကိုဒါးမားတွေက ဘယ်နေရာမှာ ဘယ်လိုတွေ့နိုင်လဲဆိုတာကို ကြည့်ရအောင်

ထရိုင်ကိုဒါးမား မျိုးစိတ်တွေဟာ မတူညီကွဲပြားတဲ့ အလေ့အကျင့်တွေရှိတဲ့ မြေအမျိုးအစားတော်တော်များများမှာ တွေ့ရတာ ဖြစ်ပါတယ်။ မြေကြီးတင်မက ဆွေးနေတဲ့သစ်သားတွေ၊ မြေဆွေးတွေ၊ အမြစ်တွေနဲ့ မြေကြီးနားကပ်နေတဲ့ အပင်အစိတ်အပိုင်းလေးတွေမှာ တွေ့ရပါတယ်။  အပင်တွေမှာ ကပ်ပါးအဖြစ် ကပ်တွယ်နေပြီးတော့မှ အပင်တွေကို ထိခိုက်မှုလည်း မရှိစေပါဘူး။ သူတို့က တစ်ခြားအဏုဇီဝသက်ရှိတွေနဲ့ တူတူနေထိုင်ပြီးတော့ မျိုးပွားနိုင်ပါတယ်တဲ့။ 

အပင်တွေကို ဘယ်လိုကာကွယ်ပေးတာလဲ၊ 

တိုက်ရိုက်သော်လည်းကောင်း၊ သွယ်ဝိုက်သောနည်းအားဖြင့်သော်လည်းကောင်း မှိုတွေ နဲ့ ရောဂါဖြစ်စေတတ်တဲ့ သက်ရှိတွေကို ဇီဝနည်းအားဖြင့် ကာကွယ်ပေးပါတယ်။ မှိုတွေ အပင်တွေမှာလာကပ်ရင် ထရိုင်ကိုဒါးမားတွေက အဲ့မှိုတွေကို အဆိပ်အတောက်ဖြစ်စေပြီးတော့ တစ်ခြားမှိုတွေရဲ့ မှိုမျှင်တွေကိုသေစေပါတယ်။ အဲ့ဒါက တစ်နည်းပါ။ 

ဒုတိယနည်းကျတော့ အပင်တွေကို အနှောက်အယှက်ဖြစ်စေမဲ့ မှိုတွေကို ထရိုင်ကိုဒါးမားတွေက ဝန်းရံပြီးတော့ ကပ်ပါးအဖြစ်တွယ်ကပ်လိုက်တာပါ။ နေရာလုတဲ့ သဘောပါ။ လုရင်းနဲ့ အပင်တွေကို ထိခိုက်စေတဲ့ မှိုတွေကိုလည်း တိုက်ခိုက်ပါတယ်။ 

သွယ်ဝိုက်တဲ့ နည်းအားဖြင့် တိုက်ခိုက်တယ်ဆိုရင်တော့ နေရာလုတယ်။ အာဟာရတွေ ယှဉ်ပြိုင်ပြီးတော့ စုပ်ယူပြီးတော့ ပြိုင်ဘက်ကို အားယုတ်လျော့စေပြီး အပင်ကိုတိုက်ခိုက်တာတွေကို လျော့ချစေပါတယ်။ ထရိုင်ကိုဒါးမားက ဘယ်ပတ်ဝန်းကျင်အခြေအနေမှာပဲဖြစ်ဖြစ် ရှင်သန်အားကောင်းတယ်၊ ကြီးထွားမှု မြန်တယ်၊ ယှဉ်ပြိုင်မှု အားကောင်းတယ်။ အဲ့အချက်တွေကြောင့် ထရိုင်ကိုဒါးမားကို ဇီဝနည်းအားဖြင့် တိုက်ခိုက်တဲ့နေရာမှာ သုံးတာဖြစ်ပါတယ်။ 

အသက်ရှိ ထရိုင်ကိုဒါးမားမှိုလေးတွေရဲ့ အကျိုးကျေးဇူး

ထရိုင်ကိုဒါးမားမှိုလေးတွေကို စိုက်ပျိုးရေးလုပ်ငန်းတွေမှာ အသုံးပြုနေကြတာကြာပါပြီ။ ကြာဆို သူတို့ကလည်း မြေကြီးထဲမှာပဲနေကြတာကိုး။ စစချင်းကတော့ သူတို့နေတဲ့နေရာမှာ ပေါများနေလို့ ကိုယ်တွေက ထပ်ထည့်စရာမလိုဘူးလေ။ ခုတော့ မြေကပျက် ရာသီဥတုကမကောင်း ဘာဘာညာညာနဲ့ စိုက်ရေးပျိုးရေးက မကောင်းတော့ကျ  ပြင်တာဆင်တာတွေ လုပ်လာရတာပေါ့။ မြေထဲမှာ ထရိုင်ကိုဒါးမားတွေသာ ရှိနေရင် ဘာတွေဖြစ်မလဲဆိုတော့

၁။ အပင်တွေကနေ အာဟာရတွေကို ပိုရမယ်။ ရေတွေလည်း ပိုပြီးစုပ်ယူနိုင်ပါတယ်။

၂။ အပင်တွေမှာ အစာချက်လုပ်မှုကိုပိုကောင်းစေတာကြောင့်မို့ အပင်တွေက ပိုမိုသန်မာကြီးထွားစေတာပေါ့

၃။ အပင်တွေကြီးထွားဖို့ အားပေးတဲ့ ဟော်မုန်းတွေကိုလည်း ထောက်ပံ့ပေးပါတယ်။ 

၄။ မြေသြဇာတွေ သုံးရတာကိုလည်း လျော့ကျစေပါတယ်။

၅။ အထွက်နှုန်းကို တိုးတက်ကောင်းမွန်စေပါတယ်။

၆။ ရေငတ်တာလိုမျိုး အပင်တွေမှာ ကျတတ်တဲ့ ဖိအားတွေကိုလည်း ခံနိုင်ရည်ရှိစေပါတယ်။

၇။ သိသာထင်ရှားတဲ့ အချက်ကတော့ အပင်အမြစ်တွေက ပွားများပြီး အမြစ်နက်နက် ပိုဆင်းပါတယ်။

၈။ ရောဂါတွေကို ထိန်းချုပ်နိုင်စေပါတယ်။ အထူးသဖြင့် မှိုတွေကြောင့် ဖြစ်တတ်တဲ့ ရောဂါတွေကိုပေါ့။

၉။ မြေကြီးကို သန့်စင်ပေးပါတယ်။ မြေသားက ပိုးသတ်ဆေး ပေါင်းသတ်ဆေးတွေကြောင့် ညစ်ညမ်းနေတယ်ဆိုရင် ထရိုင်ကိုဒါးမားကို ထည့်ပေးလိုက်တာနဲ့တင် မြေသားထဲက ဆွေးမြေ့ဖို့ကြာတဲ့ ပစ္စည်းတွေ ပိုမြန်မြန်ဆွေးစေပြီးတော့ မြေသားကို ပြန်လည်ကောင်းမွန်စေနိုင်တဲ့ အာနိသင်ရှိပါတယ်။ 

ကဲ ဒီလောက်ဆိုရင်တော့ ထရိုင်ကိုဒါးမားကို ဘယ်လိုသုံးနေလဲ ဆိုတာကို သိလောက်ပြီ ထင်ပါတယ်နော်။ 

ထွန်းဝင်းကျော်

https://www.wineland.co.za/what-is-trichoderma/


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်