စီမံကိန်းမိတ်ဖက်အဖွဲ့အစည်းများ၏ ဝန်ထမ်းသစ်များ အဓိကလိုအပ်သည့် မိသားစုတစ်ပိုင်တစ်နိုင်ငါးမွေးမြူခြင်းနှင့် လူ့အာဟာရကောင်းမွန်စွာရရှိစေရန်နေထိုင်စားသောက်ခြင်း ဆရာဖြစ်သင်တန်းပို့ချခြင်း

အနာဂတ်မြန်မာပြည့်ဝမ်းစာ ငါးမွေးမြူရေးစီမံကိန်းမှ "တစ်ပိုင်တစ်နိုင်ငါးမွေးမြူခြင်း၊ အခြေခံလူ့အာဟာရ၊ ပတ်ဝန်းကျင်နှင့် တစ်ကိုယ်ရည်သန့်ရှင်းခြင်းအလေ့အကျင့်ကောင်းများနှင့် ကျား/မ အခန်းကဏ္ဍဆိုင်ရာ ဆရာဖြစ်သင်တန်း"ကို ရှမ်းပြည်နယ်အရှေ့ပိုင်း ကျိုင်းတုံမြို့တွင် ကျင်းပခဲ့သည်။ တက်ရောက်လာသည့် သင်တန်းသားများမှ ကွင်းဆင်းပြီး လက်တွေ့ပြသမှုများဖြစ်သည့် ငါးသားပေါက်များထုပ်ပိုးခြင်း၊ သယ်ယူပို့ဆောင်ခြင်း၊ ငါးနမူနာတိုင်းတာခြင်း၊ ငါးသား ပေါက်အမျိုးမျိုးလေ့လာခြင်းနှင့် ငါးဖမ်းပိုက်ကွန်အသုံးပြုမှုများကို သင်ကြားလေ့လာခဲ့သည်။ ထို့အပြင် ကျိုင်းတုံရှိ ငါးသား‌ ပေါက်စခန်းတစ်ခု၏ လုပ်ငန်းတပ်ဆင်ကိရိယာများအသုံးပြုပုံနှင့် လုပ်ငန်းကောင်းမွန်စွာလည်ပတ်ပုံများကို သွားရောက်လေ့လာခဲ့သည်။ သွားရောက်လေ့လာခဲ့သည့် သားပေါက်စခန်းသည် ၂၀၂၀ ခုနှစ်တွင် WorldFish Myanmar ၏ နည်းပညာပံ့ပိုးမှုများကို ရရှိထားပြီးဖြစ်သည်။ မိတ်ဖက်အဖွဲ့အစည်း ၄ ဖွဲ့ အရုဏ်ဦး (AYO) လူမှုဖွံ့ဖြိုးရေးအသင်း, BRAC Myanmar, ကရုဏာ (KMSS) လူမှုစည်းလုံးညီညွတ်ရေးအသင်းနှင့် မြန်မာနိုင်ငံငါးလုပ်ငန်းအဖွဲ့ချုပ် (MFF) မှ ဝန်ထမ်းများ စုစုပေါင်း ၂၁ ဦး (မ ၈ ဦးအပါ) တက်ရောက်ခဲ့သည်။ 

ကျိုင်းတုံမြို့တွင် ကျင်းပသည့် လူတွေ့ဆရာဖြစ်သင်တန်းကို ထိရောက်အောင်မြင်စွာပို့ချနိုင်ခဲ့ပြီး၊ မိသားစုများ အတွက် အလွယ်တကူရရှိနိုင်မည့်အာဟာရပြည့်အစားအစာများစားသုံးခြင်းနှင့် အပိုဝင်ငွေရရှိစေရန် ကွင်းဆင်းဝန်ထမ်း များက ငါးမွေးမြူရေးမိသားစုများ၊ စီမံကိန်းအဖွဲ့ဝင်များအား ပြန်လည်လက်ဆင့်ကမ်း ပို့ချပေးသွားမည်ဖြစ်သည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်