ဆရာတို့ ကျွန်တော်သိချင်တာလေးက ဒူးရင်းကိုစီးပွားဖြစ်စိုက်တဲ့နေရာမှာ (1ဧက)အတွက် အပင်70ဆိုပါစို့ မြေဩဇာနှင့် ပိုး...

Question

ဆရာတို့
ကျွန်တော်သိချင်တာလေးက
ဒူးရင်းကိုစီးပွားဖြစ်စိုက်တဲ့နေရာမှာ
(1ဧက)အတွက် အပင်70ဆိုပါစို့
မြေဩဇာနှင့် ပိုးသတ်ဆေးအတွက် (အမျိုးအစား+အရေအတွက်+ကျသင့်ငွေ) ဘယ်လိုဘယ်ပုံမျိုးရှိမလဲသိပါရစေ ခင်ဗျာ

ကျော့နန္ဒာစိုး · Answer

ဒူးရင်းပင်စိုက်ပျိုးရန်အတွက် ၃’ x ၃’ x ၃’ အရွယ်စိုက်ကျင်းတူးပြီး မြေခံမြေသြဇာအဖြစ်၁၅း၁၅း၁၅ (၃)မျိုးစပ် နို့ဆီဘူး (၁) ဘူး၊ နွားချေးဆွေး (သို့) ကြက်ချေးဆွေး(၂)တင်း၊ မြေအောင်းပိုးသတ်ဆေး (၁)ဇွန်း၊ မဖောက်ထုံး နို့ဆီဘူး (၁)ဘူးတို့အား အပေါ်ယံမြေနှင့် သမအောင်ရော၍ စိုက်ကျင်းတွင်းထည့်ကာ တစ်လခန့် နှပ်ထားသင့်သည်။ အပင်ကြီးလို့မြေသြဇာကျွေးရာမှာ မိုးဦး၊ မိုးနှောင်းကာလနှင့် ပန်းပွင့်ပြီး၍ သီးကင်းဝင်ချိန်တွင် မြေသြဇာကျွေးရမည်။ အသီးသီးပင်ဖြစ်ပါ က ၁၅း၁၅း၁၅ မြေသြဇာကို ၁ ကီလိုမှ ၃ ကီလို (၆၀ ကျပ်သား မှ ၁ ပိဿာခွဲ) အထိ ပင်ရေဝိုင်းအတွင်း အပေါ်ယံဖြူးကျွေးခြင်း (Top dressing) ပြုလုပ်ပြီးအပေါ်မှ ကြက်ချေး ၄-၅ တင်းအုပ်ပေးရသည်။ မြေပေါ်ကျွေးခြင်းမှ အမြစ်မထိခိုက်စေရန် ဖြစ်သည်။ စာထဲကမြေသြဇာနှုန်းတိုင်းကျသင့်ငွေတွက်ကြည့်လိုက်ပါ။ မစိုက်ခင်ပိုးသတ်ဆေးသုံးတာကတော့ တစ်ချိန်ပါပဲ။ နောက်ပိုင်းပိုးရောဂါကျရောက်နိုင်တဲ့ပေါ်မူတည်ပြီးမှ သုံးသင့်တဲ့ဆေးသုံးရမှာဖြစ်တဲ့အတွက် ကုန်ကျစရိတ်နဲ့ပတ်သတ်ပြီးတော့ တွက်ကြည့်ပေးလို့မရပါဘူးရှင်။ ဒူးရင်းနဲ့ပတ်သတ်တဲ့ဆက်စပ်အကြောင်းအရာဆောင်းပါးများကို အစိမ်းရောင်လမ်းတွင်တင်ထားပါတယ်။ ရှေ့စာမျက်နှာ အပေါ်ထောင့်က မှန်ဘီလူးပုံလေးမှာ "ဒူးရင်းသီး" လို့ရိုက်ထည့်ပြီးအလွယ်တကူရှာဖွေနိုင်ပါတယ်။

ဖြေကြားချက် ၁ ခု