ငှက်ပျောပင်လေးတွေ ဒီလိုဖြစ်နေလို့ပါဘာဆေးသုံးပြီး ဘယ်လိုပြုပြင်ရမလဲဆိုတာသိပါရစေရှင့်။

ပုံလေးက ရှင်းပြီး ပြတ်သားမယ်ဆိုရင် ပိုကောင်းပါတယ်ဗျ။ ပိုတက်ဆီယမ်ဓာတ်ချို့တဲ့လို့ဖြစ်လာတာလို့ထင်ပါတယ်။ ပိုတက်ဆီယမ်ဓာတ်ချို့တဲ့တာကြောင့် ရောဂါအလွယ်တကူဝင်တာတော့ ဖြစ်နိုင်ပါတယ်။ ဒါကြောင့် ပိုတက်ဆီယမ်ပါတဲ့ မြေသြဇာထည့်ပေးပါ။ စက်ဖွဲပြာလိုမျိုးထည့်တာလည်း ပိုတက်ဆီယမ်ကို ရရှိစေပါတယ်။ နောက်တစ်ချက်က မြေကြီး ချဉ်ငန်ဓာတ်ကြောင့် ပိုတက်ဆီယမ်ချို့တာလည်း ဖြစ်နိုင်ပါတယ်။ အဆင်ပြေမယ်ဆိုရင် မြေကြီးကို စမ်းသပ်ကြည့်စေချင်ပါတယ်။ မြေကြီးချဉ်ငန်ဓာတ်ကိုလည်း ပြင်မယ် ပိုတက်လည်း ထည့်မယ်ဆိုရင်တော့ သဘာဝမြေသြဇာများများထည့်ပေးတာက အကောင်းဆုံးပါ။ နောက်တစ်ခုဖြစ်နိုင်တာက မှိုရောဂါတစ်မျိုးဖြစ်နိုင်ပါတယ်။ ဓာတ်ပုံလည်း အောက်မှာ တင်ပေးထားပါတယ်။ ဒါဆိုရင်တော့ မန်ကိုဇက် သို့မဟုတ် ကလိုရိုသာလိုနေးကို ဆေးဗူးပါအညွှန်းအတိုင်း ဖျန်းပေးပါဗျ။