အစိမ်းရောင်လမ်း

အစိမ်းရောင်လမ်း အက်ပ်

အမေးအဖြေနှင့် အသိပေးချက်များကို ပိုမြန်မြန် ရယူနိုင်ပါသည်။

ရယူရန် ရယူရန်
Thein Soe Min

Thein Soe Min

အတည်ပြုပြီး Greenovator

စိုက်ပျိုးရေးပညာရှင် · အမရပူရ

328,158
လွန်ခဲ့သော ၄ ရက် က

မွေးမြူရေးကတော့ ကနဦး ရင်းနှီးမြုပ်နှံမှုများပါတယ်။ ပြီးတော့ အခုချိန်မှာ အစာဈေးနှုန်းတွေက ကြီးမြင့်တာကြောင့် အမြတ်ငွေရရှိမှု နည်းနိုင်ပါတယ်။ ရန်ကုန်ဈေးကွက်နေလည်း နီးတာကြောင့် အချိန်တိုတွင်းမှာ ရောင်းချနိုင်တဲ့ ဈေးကွက်ဝယ်လိုအားနဲ့ ဈေးကောင်းရနိုင်မယ့် ဟင်းသီးဟင်းရွက် စိုက်ပျိုးထုတ်လုပ်တာကို ဦးစားပေးစဉ်းစားစေလိုပါတယ်။

မြေလွတ်တစ်ဧကလောက်ကို စိုက်ပျိုး မွေးမြေူရေးလုပ်ရင် ဘယ်ဟာက ငွေပေါ်လွယ်တုန်းဗျ အခုချိန်မှာပေါ့။

လွန်ခဲ့သော ၄ ရက် က

မရပါဘူး။ ဘော်ဒိုက စပျစ်၊ သရက်တို့လို နှစ်ရှည်ပင်တွေနဲ့သာ သင့်တော်ပါတယ်။ တစ်ရာသီခံပင် အပင်ပျော့တွေမှာ ဖျန်းလိုက်ရင် ဆေးလောင်တာမျိုး ဖြစ်နိုင်သလို မြေကြီးထဲမှာ ကောပါးတွေ စုပုံသွားပြီး မြေဆီလွှာနဲ့ အမြစ်တွေ ပျက်ဆီးနိုင်ပါတယ်။

ဘော်ဒိုဆေးရည်ကိုခရမ်းချဉ်ပင်စည်အမြစ်ခြေကိုဖျန်းလို့ရပါသလားဗျ

လွန်ခဲ့သော ၅ ရက် က

အမဲနဲ့ ခဲ/ငွေရောင် သုံးရတဲ့ ရည်ရွယ်ချက်မတူပါဘူး။ ရာသီဥတုက အေးလို့ မြေကြီးအပူတက်ချင်တယ်ဆိုရင် အမဲရောင်ကို အပေါ်မှာထားလိုက်ရင် အထဲက မြေကြီးရဲ့ အပူချိန်ကို ညှိပေးပြီး အပူချိန် တက်လာစေပါတယ်။ ပူတဲ့ရာသီဥတုမှာဆိုရင်တော့ ခဲ/ ငွေရောင်ကို အပေါ်မှာ ထားပေးရပါတယ်။ ငွေရောင်ကို အပေါ်မှာထားတာ အားသာချက်နောက်တစ်ချက်က သူ့အရောင်က အချို့ပိုးတွေကိုလည်း ပြေးစေပါတယ်။ အယ်နီညိုရာသီဥတုကြောင့် အပူချိန်လည်း မြှင့်နိုင်တဲ့တွက် ငွေရောင်ကို အပေါ်မှာ ထားပေးတာ ပိုသင့်တော်ပါတယ်။

ဘောင်အုပ်မိုးကာ ခဲမဲမှာ ဘယ်အခြမ်းကအကျိုးပိုများလဲရှင်းပြပေးပါအုံး

လွန်ခဲ့သော ၁ ပတ် က

ခေါင်းစဉ်နှိပ်ပြီး လေ့လာနိုင်ပါတယ်။ ဆေးလောင်ခြင်း

ဆေးလှောင်တာတို့ အပူချိန်များချိန်မှာ ec ဆေးမျိုးဖျန်းမိပီး အပင်ညိုးတာမျိုးစို ဘာလိုကုသရမလဲ ဘယ်aiတွေသုံးသင့်လဲ

လွန်ခဲ့သော ၁ ပတ် က

အခုလက်ရှိ ရေကို ဘယ်လိုပုံစံနဲ့ သွင်းနေလဲဗျ? ခြံရဲ့ အနိမ့်အမြင့်မတူလို့ ရေထိန်းနိုင်စွမ်းလည်း ကွာနေတာမျိုးလားဗျ။ ရေမနေနဲ့အပင်တွေမှာတော့ ကောက်ရိုး/ သစ်ရွက်တို့နဲ့ အပင်ခြေကို အထူလက်ခက်မခန့် မြေဖုံးတာမျိုး မဖြစ်နေလုပ်ပေးပါဗျ။ အယ်နီညိုကာလမှ ရေငွေ့ပျံနှုန်းကလည်း မြင့်တာမို့ မြေဖုံးပြီး ရေဆုံးရှုံးမှုနည်းအောင် လုပ်ပေးပါ။

စိုက်ပျိုးရေးဆရာဆရာမများခဗျာ ကျွဲကောပင်အပင်၂၀၀န်းကျင်လောက်ရှိပါတယ် တစ်ဝက်က ရေအစိုဓာတ်ကို ၅ရက်လောက်ထိန်းပြီး ကျန်တစ်ဝက်က ၂ရက်လောက်နဲ့ ခြောက်သွေ့သွားပါတယ် ရေကို ဘယ်လို ပေးသွင်းရမလဲဗျ ၆နှစ်ကျော်အပင်တွေပါ

လွန်ခဲ့သော ၁ ပတ် က

ဟုတ် အသီးထိပ်မဲတာက Bloosom end rot ဆိုတဲ့ ကယ်ဆီယမ်ချို့တဲ့တာကြောင့်ဖြစ်တာပါ။ အရင်ဦးဆုံး ထိပ်မဲနေတဲ့ အသီးတွေကို ခူးပစ်ပါ။ အသီးက ပြန်မကောင်းလာနိုင်တော့မယ့် အပင်ကနေ အစာတွေ လုယူစားသောက်နေဦးမှာပါ။ အရွက်ရဲ့ အရောင်ကြည့်ရတာ ရေဓာတ်အားနည်းလို့ အစိမ်းရင့်ရောင်လိုမျိုး ဖြစ်နေတယ်လို့ ယူဆပါတယ်။ ရေကို ပုံမှန်ရအောင် လုပ်ပေးပါ။ အစိုဓာတ်ကို ထိန်းထားနိုင်အောင် အပင်ခြေမှာ ကောက်ရိုးလိုမျိုးနဲ့ မြေဖုံးပေးပါ။ မြေဖုံးပေးတာက မြေကြီးအပူချိန်ကိုလည်း ထိန်းထားပေးသလို အစိုဓာတ်ကိုလည်း ထိန်းပေးထားပါတယ်။ နိုက်ထရိုဂျင်ဓာတ်ကျွေးတာ လျော့ပေးပါ။ ကယ်ဆီယမ်တစ်မျိုးတည်းမဟုတ်ဘဲ ကယ်ဆီယမ်ဘိုရွင်ပါတဲ့ ရွက်ဖျန်းဆေး ဖျန်းပေးပါ။ ဘိုရွင်က ကယ်ဆီယမ်ဓာတ်တွေ အပင်တွေ သွားလာနိုင်အောင် ကူညီပေးပါတယ်။ အားဆေးအတွက် ငါးအမိုင်နိုအက်ဆစ် ဖျန်းပေးပါ။ ငါးအမိုင်နိုမှာ နိုက်ထရိုဂျင်အပြင် အခြားအဟာရတွေ အဏုဇီဝတွေလည်း ပါဝင်ပါတယ်။

ခရမ်းချဥ် သီးတအားမဲတယ်ဗျ ကျောက်မှုန့်ကျွေးကြည့်တယ် ca ပလပ်နှစ်ကြိမ်ရှိပီဗျ ဒါမဲ့မနိုင်လို့ပါ ဘာဆေးထပ်ဖျန်းသင့်လဲ ဘာတွေဆက်လုပ်သင့်လဲ ဗျ

လွန်ခဲ့သော ၁ ပတ် က

အရင်ရက်တွေမှာ ကျွေးခဲ့တာတွေက စပါးပင်အတွက် တော်တော်လုံလောက်နေပါပြီ။ စပါးပင်ကောင်းဖို့ စိတ်အားထက်သန်နေပေမယ့် ဒီကာလမှ ပုလဲ (နိုက်ထရို) မလိုအပ်တော့ပါဘူး။ ဒီအချိန်မှာ ပုလဲကြောင့် အပင်ဘက်အားပါသွားရင် အရွက်တွေဖားပြီး လဲကျလွယ်တာ၊ အရွက်တွေ နုညံ့လာပြီး မှိုနဲ့ ပိုးတွေကို ဖိတ်ခေါ်သလိုဖြစ်တာမျိုးတွေ ဖြစ်နိုင်ပါတယ်။ အစေ့အဆန်ပြည့်မီဖို့အတွက် ကျွေးချင်တယ်ဆိုရင်တော့ ပိုတက် ၁ ဧက ၅ ပြည်ခန့် ကြဲပက်ပေးနိုင်ပါတယ်။ ဒါမှမဟုတ် ပိုတက်ဆီယမ်ဓာတ်ပါတဲ့ ရွက်ဖျန်းဆေးကို မနက်စောပိုင်းမှာ ပက်ဖျန်းပေးနိုင်ပါတယ်။

ဧရာပဒေသာ၁၀၇ရက်သားအနှံထွက်စပြုပါပြီပုလဲသီးသန့်ကျွေးသင့်လားဆာလ်ဖာပုလဲပဲကျွေးသင့်လားခဗျ၁လသားမှာ၁၆ပတ်လည်နဲ့ပုလဲကျွေးထားပါတယ်၄၅ရက်သားမှာ၁၅ပတ်လည်သီးသန့်ကျွေးထားပါတယ်၇၅ရက်သားမှာပုလဲပိုတက်ကျွေးထားပါတယ်၉၃ရက်သားမှာပုလဲပိုတက်ထပ်ကျွေးထားပါတယ်အခုနောက်ဆုံးအပတ်မှာဘာကျွေးသင့်လဲခဗျာ၁ဧကဘယ်နှစ်ပြည်ကျွေးသင့် လဲခဗျ

လွန်ခဲ့သော ၁ ပတ် က

ရင့်နေတဲ့ အောက်ရွက်တွေ ဝါနေတဲ့အရွက်ကို ညှပ်ထုတ်လို့ရပါတယ်ဗျ။ ဒါက အပင်အတွက် လေဝင်လေထွက်ပိုကောင်းစေတာ၊ အရွက်တွေ နေရောင်ခြည် ပိုမိုရရှိစေတာနဲ့ အဟာရပိုမိုရရှိစေနိုင်ပါတယ်။ သတိထားမယ့်အချက်ကတော့ အသီးခူးပြီး အဆစ်အောက်က အရွက်ရင့်တွေ အရွက်ဝါတွေကိုပဲ ညှပ်ထုတ်ပါဗျ။

အောက်အရွက်တွေညှပ်လို့ရပီးလား တစ်လတော့ကျော်နေပါပီး ခူးတာလဲ 4ခါတော့ ရှိပီး

လွန်ခဲ့သော ၁ ပတ် က

မှိုသတ်ဆေးဖျန်းပြီး ၅ ရက်လောက် ခြားပြီးမှ အားဆေးဖျန်းပေးပါ။ ပိုးသတ်ဆေးက ဘယ်နှစ်ရက်ခြား တစ်ကြိမ်ဖျန်းတာထက် စိုက်ခင်းမျာ ပိုးကျရောက်တဲ့အခြေအနေကို စောင့်ကြည့်ပြီးမှ ကျရောက်တဲ့ပိုးပေါ်မူပြီး သင့်တော်တဲ့ဆေးကို ရွေးချယ်ရတာမျိုး ဖြစ်ပါတယ်ဗျ။ ပိုးစတွေ့လာတော့မှ ပိုးဓာတ်ပုံနဲ့တကွ အစိမ်းရောင်လမ်းမှာ ပြန်မေးပေးပါဗျ။

မတ်ပဲကို မှိုဆေးဖျန်းပြီးဘယ်နှစ်ရက်နေရင် အားဆေးဖျန်းသင့်လဲ ပိုးသတ်ဆေးကိုဘယ်နှစ်ရက်တစ်ကြိမ်ဖျန်ရင်အကောင်းဆုံးလဲ

လွန်ခဲ့သော ၂ ပတ် က

ဟုတ် ဆေးနှုန်းထားများတာ နေပူနေတဲ့အချိန်မှာ ဖျန်းတာတွေကြောင့် ဆေးလောင်တာတွေ ဖြစ်နိုင်ပါတယ်။ ဒီဆောင်းပါးကို လေ့လာနိုင်ပါတယ် အပင်နှင့် ဆေးလောင်ခြင်း

ပိုးသတ်ဆေးက အပင်လောင်နိင်ပါသလား အဲလို ဖြစ်သွားလို့ပါ

မတင်ဘဲ ထွက်မှာ သေချာပါသလား။

သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။