ပိုးသတ်ဆေး/မှိုသတ်ဆေး/ပေါင်းသတ်ဆေးအကြောင်းကို အခုမှစလေ့လာမှာမို့ ဘယ်လိုလေ့လာသင့်ပါသလဲရှင့်/ဆေး AI တွေအကြောင်း...

အေအိုင်တွေနဲ့ပတ်သတ်လာရင် ကိုယ်တွေ့လေ့လာဖြစ်တဲ့ အတွေ့အကြုံကိုမျှဝေပေးပါမယ်၊ ကျွန်တော်စဖတ်ဖြစ်ခဲ့တာက ဆရာ ကံမြင့်ရဲ့ စပါးပေါင်းသတ်ဆေး စာအုပ်ပါ၊ အရမ်းသဘောကျပါတယ်၊ တစ်ခြား ဆေးအေအိုင် စာအုပ်တွေလဲ ဈေးကွက်ထဲမှာ ရှိပါတယ်၊ နောက်ပြီး မှိုသတ်ဆေးအနေနဲ့ ပိုးသတ်ဆေးကတော့ ရေဆင်းစိုက်ပျိုးရေးတက္ကသိုလ်မှာ လုပ်ခဲ့ဖူးတော့ သင်ခန်းစာတွေမှာပါခဲ့တယ် သို့ပေမယ့် ဆေး အေအိုင် အသစ်အသစ်တွေက ဈေးကွက်ထဲမှာ ပေါ်လာနေတော့ သင်ရိုးစာအုပ်ထဲက တစ်ချို့ အေအိုင်တွေနဲ့ မကိုက်နေတော့ပါ၊ တစ်ချို့ ဘီနိုမိုင်းတွေ ကာဘိုဖျူရမ် တွေ ဆိုလဲ ဘန်းတာတွေ သုံးဖို့ တားဖြစ်တာတွေရှိနေတော့၊ ကျောင်းစာအုပ်ထဲက ဆေးအေအိုင်တွေနဲ့ အပြင်လောကက ဈေးကွက်ထဲကဆေးအေအိုင်တွေမတူလာတာဖြစ်ခဲ့တယ်၊ အဲ့အချိန်မှာ ကျွန်တော်က ဒေသတစ်ခုကိုရောက်တိုင်း အဲ့ဒေသက စိုက်ဆေးဆိုင်တွေကို သွားခဲ့တယ် အပင်အားဆေးလေး မြေဩဇာ အထုတ်သေးလေး ဝယ်ပြီး သူတို့ဆိုင်မှာ ဘာဆေး အေအိုင်တင်လဲ မှတ်ရတယ်၊ ပြီးတော့ အဲ့အေအိုင် တစ်ခုခြင်းဆီရဲ့ လုပ်ဆောင်ချက်တွေကို reference ကျမ်းကိုးစာအုပ်တွေ၊ သုတေတန စာတမ်းတွေ၊ ဖတ်ပြီးပြန်ရှာရပါတယ်၊ ခုနောက်ပိုင်းမှာတော့ facebook တွေကနေခေတ်စားလာပြီဆိုတော့ စိုက်ဆေးကုန်မဏီ ရဲ့ facebook စာမျက်နှာတွေကို သွားရောက်ပါတယ်၊ ဆေးအမည်အလိုက်၊ နိုင်တဲ့ရောဂါ ပိုးအလိုက် တကယ်ကော အဲ့ အေအိုင်က အဲ့ ပိုးရောဂါ ပေါင်းကို နိုင်မနိုင်တွေ မှတ်ရပါတယ်၊ အဲ့လိုလေ့လာဖြစ်ခဲ့ပါတယ်၊ ဒါ့အပြင် အခုဆိုရင် ဆေးအေအိုင်ပိုင်းရေးတဲ့ ဆောင်းပါးတွေ၊ စာအုပ်တွေ ကို facebook တွေမှာ တွေ့မြင်နေရပြီဖြစ်လို့ အဆင်ပြေနေပါပြီ၊ အေအိုင် အကုန်တော့မဟုတ်သေးဖူးပေါ့၊ စုပြီး သေချာမှတ်ရင်တော့ အရမ်းအကျိုးရှိပါတယ်၊ သတင်းကောင်းလေးကတော့ ခုနောက်ပိုင်းမကြာခင်မှာ အခုအစိမ်းရောင်လမ်းကနေ အဲ့ဒီပြသနာ အတွက်ဖြေရှင်းပေးဖို့ အစီစဉ်ဆွဲ နေပါတယ်နော်၊ အဲ့ကြရင် အေအိုင်တွေကို တစ်စုတစ်စီးထဲ အကြိုက်လေ့လာ နိုင်ပါမယ်၊