ခရမ်းသီး အသီးသိပ် မသီးလို့ ပါ ဘာကြောင့်ဖြစ်တာပါလဲ ။ သိချင်လို့ပါ။

အချိန်မှန်စွာ ပေါင်းရှင်းပေးခြင်း၊ မိုးစိုက်ခရမ်းဖြစ်ပါက ရေမဝပ်စေရန် မြေတောင်မြှောက်ပေးခြင်း၊ ဘောင်လုံးခြင်းနှင့် ဆောင်းစိုက်ခင်းတွင် အစိုဓါတ်ထိန်းနိုင်ရန် ကောက်ရိုး၊ မြတ်ခြောက်များ အုပ်ပေးခြင်း၊ မြေတောင်မြှောက်ချိန်တွင် ယူရီးယားကို ထပ်မံထည့်သွင်းပေးခြင်း၊ အသီးအလေးချိန်ကြောင့် အပင်ယိုင်လဲမှုများ မဖြစ်စေရန် တိုင်ထောင်ပေးခြင်း များ ပြုလုပ်ပေးရပါမည်။ ခရမ်းသီးခူးပြီး အသီးထွက်မှု ကျသွားသော်လည်း လမိုင်းထားခြင်းဖြင့် အသီးကို ထပ်မံရယူနိုင်ပါသည်။ ပင်ခြေမှာ (၃) ဆစ်ခန့်ချိန်၍ (၆လက်မမှ ၈လက်မ) အမြင့်ခန့်တွင် ပင်စည်ကိုဖြတ်၍ အစားအရေစာ ထပ်မံဖြည့်တင်းခြင်းဖြင့် ဖြတ်ပြီး (၁)လတွင် အသီးကို စတင်ခူးနိုင်ပါသည်။ အပင်ပြုစုနည်ကို ဒီ ခရမ်းသီး စိုက်ပျိုးနည်း ဆောင်းပါးကနေ ကောက်နုတ်ဖော်ပြပေးလိုက်ပါတယ်ရှင့်။