ဝါနေတဲ့အရွက်တွေက ရောဂါကြောင့်လား. အစာတောင်းတာလားဗျ.

ပိုတက်စီယမ်ဓာတ်ချို့တဲ့တာဖြစ်ပါတယ် မြေချဉ်လို့ပါ မြေချဉ်မှုကိုသက်သာအောင်ထုံးထည့်ပေး၍ ပိုတက်အချိုးမြင့် ပါသော ရွက်ဖျန်းမြေဆီ ဖျန်းပါ၊

အာဟာရချို့တဲ့ခြင်းကြောင့် ဖြစ်နိုင်သလို တန်ဂရိုရောဂါကျရောက်တာလည်းဖြစ်နိုင်ပါတယ်။ တန်ဂရိုရောဂါဟုတ်၊ မဟုတ် အောက်ပါအချက်များနဲ့ ကိုက်ကြည့်ပါ။ • စပါးခင်းအတွင်း ဖြုတ်ကောင်ကျရောက်မှုကို စစ်ဆေးရမည်။ • အရွက်များအရောင်ပြောင်းမှုကို စစ်ဆေးရမည်။ တန်ဂရိုရောဂါကျရောက်နေသည့် စပါးပင်များတွင် အဝါရောင်နှင့် လိမ္မော်ဝါရောင် အရောင်ပျက်မှုများကို ထင်ရှားစွာတွေ့ရသည်။ အရောင်ပျက်မှုသည် ရွက်ထိပ်ဖျားမှစတင်ပြီး အရွက်အောက်ပိုင်းနှင့် ရွက်နာများဆီသို့ ကျယ်ပြန့်လာသည်။ ရောဂါကျအရွက်သည် အစိမ်းဖျော့ရောင်အစက် (သို့မဟုတ်) အစင်းပုံသဏ္ဍန်များ၊ သံချေးရောင် အစက်အပြောက်များ၊ ရွက်ကြောများကြား တစ်ရှူးသေလက္ခဏာများ ပြတတ်သည်။ ဤရောဂါကျစပါးပင်များတွင် အပင်ပုခြင်း၊ ပန်းပွင့်နောက်ကျခြင်းကြောင့် ရင့်မှည့်မှုနောက်ကျခြင်း၊ ပင်ပွားနည်းခြင်း၊ အနှံသေးငယ်ခြင်း(သို့မဟုတ်)ထွက်ပြူမလာခြင်း၊ အညိုရင့်ရောင်အကွက်များဖြင့်ဖုံးအုပ်နေခြင်း စသည့်လက္ခဏာများကိုလည်း တွေ့မြင်ရသည်။