ကျူးဘားအုန်းပင်တွေ အရွက်တွေဝါပြီးခြောက်ကုန်ပါတယ် ဘာဆေးကျွေးပြီးဘယ်လိုပြုစုသင့်ပါသလဲရှင့် လားရှိုးကပါ

လိုအပ်သော မြေဩဇာများ အုန်းပင်အား မြေဩဇာကျွေး၍ ယူရီးယား(Urea)၊ တီစူပါ (Triple Superphosphate)၊ ပိုတက်ရှ် (Potash) နှင့် ဆားခါး (Epson salt: Magnesium Sulphate) တို့ လိုအပ်ပါသည်။ ゞင်းတို့ (၄) မျိုးအစား ကွန်ပေါင်းမြေဩဇာများအသုံးပြုလျှင်လည်း ကောင်းမွန်ပါသည်။ ကျွေးရန် အချိန်နှင့် အကြိမ် အုန်းပင်အား မြေဩဇာကျွေးရာတွင် နှုန်းထား နည်းနည်းဖြင့် အကြိမ် အရေအတွက် များများ ကျွေးခြင်းသည် အပင်မှ စုပ်ယူစားသုံးနိုင်မှု ပိုများပြီး မြေဩဇာကျွေးပြီးနောက် မိုးရွာမှုနှင့် တိုက်ဆိုင်လျှင် ပို၍ ကောင်းပါသည်။ သွင်းရေရရှိမည်ဆိုလျှင် တစ်နှစ်သုံးကြိမ်ခန့်ကျွေးသင့်ပါသည်။ - ပထမဆုံးအကြိမ်ကို မိုးဦးကျတွင် ကျွေးပါ။ - ဒုတိယအကြိမ်ကို မိုးနှောင်းတွင် ကျွေးပါ။ - တတိယ အကြိမ်ကို နွေရာသီလို ပူပြင်းခြောက်သွေ့သော ကာလများတွင် ကျွေးပြီးရေသွင်းပါ။ အပင်၏ သက်တမ်းအလိုက် မြေဩဇာနှုန်းထားများ ယူရီးယား၊ တီစူပါနှင့် ပိုတက်တို့ကို ၁း၂း၃ အချိုးတိုင်း ရောစပ်ပါ။ အပင်၏ သက်တမ်းအလိုက် သုံးမျိုးရောစပ်ပြီးသား မြေဩဇာနှင့်ဆားခါး (အပင်ငယ်စဉ်တွင် ၁၀ဝ ဂရမ် သို့ ၆ ကျပ်သား/အပင်ကြီးတွင် ၂၀ဝ ဂရမ် သို့ ၁၂ကျပ်သား နှုန်းဖြင့်) တို့ကို ရောစပ်၍ တစ်ပင်အတွက် ဖော်ပြပါနှုန်းထား အတိုင်းကျွေးပါ။ အပင်သက်တမ်း (တစ်ပင်အတွက်နှုန်းထား)၂ နှစ်သား (၁.၅ ပေါင် သို့ ၄၃ ကျပ်သား) - ၃ နှစ်သား (၂.ဝ ပေါင် သို့ ၅၆ ကျပ်သား) - ၄ နှင့် ၅ နှစ်သား (၂.၅ ပေါင် သို့ ၇၁ ကျပ်သား) - ၆-၇ နှစ်သားမှ ပန်းပွင့်ချိန်အထိ (၃.ဝပေါင် သို့ ၈၇ ကျပ်သား) - အသီးသီးနေသောအပင် (ယူရီးယား ဝ.၃၇ ကီလိုဂရမ် (သို့) ၂၃ ကျပ်သား ၊တီစူပါ ဝ.၁၁ ကီလိုဂရမ် (သို့) ၇ကျပ်သား၊ ပိုတက် ဝ.၄၅ ကီလိုဂရမ် (သို့) ၂၈ ကျပ်သား) မြေဩဇာကျွေးနည်းစနစ်များ နည်းစနစ် (၁) အုန်းပင် ပတ်ပတ်လည်တွင် အချင်း၃ ပေခန့်ရှိသော စက်ဝိုင်းပုံ သဏ္ဍဍာန် အဝန်းအဝိုင်းအား နေရာ သတ်မှတ်ပါ။ ゞင်းသတ်မှတ်ပြီး အဝန်းအဝိုင်းအား၃ လက်မ အကျယ် နှင့် ၆ လက်မအနက်ရှိသော မြောင်းကလေးဖြစ်အောင် တူးပါ။ ထို့နောက် ゞင်းမြောင်းကလေးထဲသို့ ရောစပ်ပြီးသား မြေဩဇာများကို ညီညာစွာ ထည့်သွင်းပါ။ ပြီးလျှင် ထိုမြောင်း ကလေးအား မြေဆွေး/ နွားချေးဆွေးတို့ဖြင့် ပြန်၍ ဖုံးပါ။ နည်းစနစ်(၂) အုန်းပင်၏ အရိပ်အဝန်းအဝိုင်း(Canopy) အတွင်း သံတူရွင်းဖြင့် ၁ ပေ/၁ ပေခွဲခန့် ရှိသော အပေါက်ကလေးများအဖြစ် အုန်းပင်ပတ်လည် လိုက်လံ တူးပါ။ ထို့နောက် ゞင်းကျင်း ကလေးများအတွင်းသို့ ရောစပ်ပြီးသား မြေဩဇာများ ထည့်ပါ။ ပြီးလျှင် ゞင်းကျင်းကလေးများအား မြေဆွေး/နွားချေးဆွေးတို့ဖြင့် ပြန်၍ ဖြည့်ပါ။ ဤနည်းစနစ်သည် မြက်ခင်းများကြားတွင် အလှစိုက်ထားသော အုန်းမျိုးနွယ်ဝင် အပင်များအတွက် အသုံးပြုရန် သင့်တော်သော နည်းစနစ် ဖြစ်ပါသည်။ အပြည့်အစုံကိုအောက်ပါLINKတွင်ဝင်ရောက်လေ့လာနိုင်ပါတယ်။ https://greenwaymyanmar.com/posts/applying-fertilizer-on-coconut