ဘာဆေးဖျန်းဖျန်းမသေနိုင်လို့ ဆေးရွက်ကြီးစိမ်းရည်ဖျန်လဲမသွား ဘယ်လိုလုပ်ရမှာလဲ ထိုင်ကန်တောရတော့မယ်ထင်တယ် ပြောပေး...

ဆေးရွက်ကြီးရည်ဖျန်းတယ်ဆိုတာ ပိုးကောင်တွေသေဖို့ မဟုတ်ပါဘူးရှင့်။ ပိုးပြေးဆေးပါ။ ဖြစ်လာကာမှ ဖျန်းခြင်းက ထိန်းချုပ်ဖို့ခက်ပါတယ်ရှင့်။ ဘက်ပေါင်းစုံနည်းတွေနဲ့ကြိုတင်ကာကွယ်ရပါတယ်။ ကျွန်မလည်းမုန်ညင်းစိုက်ပါတယ်။ ဘေးနားကပေါင်းမြက်တွေကိုရှင်းပါတယ်။ ကြက်သွန်ပင်တွေနဲ့ရောစိုက်ပါတယ်။ ဆေးရွက်ကြီးစိမ်ရည်ကို မကြာခဏလေးပုံမှန်ဖျန်းရပါတယ်ရှင့်။ ဖျက်ပိုးတွေမနိုင်ဘူးဆိုတာ သဘာဝမှာ သူတို့ကိုနိုင်တဲ့ ပိုးကောင်တွေမရှိကြတော့လို့ပါ။ ပန်းပင်တွေစိုက်ပေးတာတို့ ဆေးအပြင်းတွေသိပ်မသုံးတာတို့လုပ်ပြီး သဘာဝကို ထိန်းသိမ်းရပါတယ်။ အချိန်အတိုလေးနဲ့ ပိုးမမြင်ချင်ရင်တော့ ဆေးဖိုးနဲ့ ဟင်းရွက်ရောင်းရတဲ့တန်ဖိုးနဲ့က မကိုက်ဘူးမို့ ရေရှည်ကောင်းမယ့်နည်းတွေကိုပဲ သုံးပါတော့တယ်။ ကျွန်မခြံမှာ ဒုတိယနှစ်တော့ အဲ့ပိုးတွေနည်းသွားပါတယ်။ ဘာဆေးအပြင်းမှမသုံးပါဘူး။ ခြုံတွေရှင်းတယ်၊ အပွင့်ပန်းလေးနည်းနည်းစိုက်ပေးတယ်။ ဆေးရွက်ကြီး‌စိမ်ရည်တို့ ငါးအမိုင်နိုတို့ ပုံမှန်လေးဖျန်းပါတယ်။