ဘာဖြစ်တာလဲမသိလို့ပါဆရာကြီးတို့ ဘေးလက်လေးတေခြောက်နေတယ် တချို့ အပင်တေဆို သေနေတာတေလည်း တွေ့ရပါတယ်

စပါးဘက်တီးရီးယားပင်ခြေပုပ်ရောဂါကျရောက်နေတာပါခင်ဗျာ။ ၁။ ပျိုးနှုတ်စဉ် အပင်ကို အနာတရမဖြစ်အောင် ဂရုစိုက်ပါ။ ၂။ ပျိုးခင်းစိုက်ခင်းကို မြေပြုပြင်စဉ်တွင် ပိုတက်ရှ် အပါအဝင် ဓာတ်မြေသြဇာကို အချိုးညီညီထည့်ပါ။ ၃။ ရောဂါကျဖူးသောမြေကို မြေပြင်စဉ်တွင် ကျောက်မှုန့်မြေသြဇာ ကို တစ်ဧကလျှင် (၆) ပိဿာနှုန်းထည့်ပေးပါ။ (သို့မဟုတ်) ထုံး (၁၅-၂ဝ) ပိဿာနှုန်းထည့်ပေးပါ။ ၄။ ရောဂါကျအခင်းကိုဖြတ်၍ ရေသွင်းရေထုတ် ပြုလုပ်ခြင်းကို ရှောင်ပါ။ ၅။ ရောဂါစတင်တွေ့လျှင်တွေ့ခြင်း အောက်ပါဆေးများ ပက်ဖျန်း အသုံးပြုပါ။ (က) Kasugamycin (ကာဆူကာမိုက် စင်) (ခ) Copper ကော့ပါးလ်ပါဝင်သော မှို သတ်ဆေးများ တစ်မျိုးမျိုးဖျန်းပက်ပေးပါ ရေသွင်းရေထုတ်ပြုလုပ်ပေးပါ။ ဓာတ်မြေဩဇာကျွေးတဲ့အခါမှာလည်း ပိုတက်ရှ်အိတ်ဝက်၊ဂျစ်ဆမ်တသ်အိတ်ကျဲပက်ပေးသင့်ပါတယ်။