သင်းဘောစေ့ ပျိုးတာ မပေါက်လို့ပါခင်ဗျ ၇၈၇ မျိုးစေ့ပါ ၂၄ နာရီ ရေစိမ်ပြီး ပျိုးအိပ်ထဲ ထဲ့ပျိုးတာပါဗျ ရေလည်း အမြဲ...

သင်္ဘောပင်ပျိုးထောင်နည်း သင်္ဘောပင်ပျိုးထောင်ရန်အတွက် ပျိုးဘောင်၊ ပျိုးခင်း၊ ပလတ်စတစ်အိတ် စသည်တို့ကိုအသုံးပြု နိုင်ပါသည်။ ပျိုးထောင်မည့်မြေသည် နွားချေးဆွေး၊ သဲ၊ မြေကြီးတို့ကိုဆတူရောမွှေထားသော မြေမျိုး ဖြစ်ရပါမည်။ သင်္ဘောစေ့ကိုပျိုးထောင်ရာတွင်မြေနက်နက်ဖုံးမိလျှင် အစေ့ပုတ်သွားပြီး အပင်ပေါက် ညံ့ဖျင်းတတ်သည်။ အစေ့ကိုမြေပါးပါးလောက်ပဲဖုံးပါ။ အပေါ်မှကောက်ရိုးပါးပါးဖုံးအုပ်ထားပါ။ ရေလောင်းပေးပါ။ ကောက်ရိုးပါးပါးအုပ်ထားပါမှ ရေလောင်းသည့်အခါအစေ့များပေါ်မလာအောင် ထိန်းပေးရင် အပူဒဏ်လည်းကာကွယ်ပေးနိုင်ပါသည်။ သင်္ဘောပျိုးထောင်သူတချို့ကပျိုးထောင်ရာတွင်သွပ်ပြားကိုအောက်ခံပြီးမှယင်းအပေါ်မြေသား လေးလက်မခန့်အထူထည့်၍ပျိုးထောင်လေ့ရှိသည်။ ထိုအခါ အဖိုသည်အမပင်ထက်ပိုမိုသန်စွမ်း သောကြောင့်အမြစ်သည်အောက်တွင်ခံထားသောသွပ်ပြားနှင့်မြန်မြန်ထိလွယ်ပေရာပြောင်းရွှေ့စိုက်ပျိုး ချိန်တွင်အဖိုပင်များသည်ညှိုးနွမ်းလေ့ရှိသည်။ အဖိုပင်နှင့်အမပင်ခွဲခြားရာတွင်ဤနည်းကိုအများဆုံး အသုံးပြုကြသည်။ ပျိုးသက်တစ်လခွဲမှနှစ်လသားခန့်ရှိလျှင်စိုက်ခင်းသို့ပြောင်းရွေ့စိုက်ပျိုးနိုင်ပါသည်။ ပျိုးအိပ်ဖြင့်လည်းတစ်ပင်ချင်းစီပျိုးနိုင်ပါသည်။