Difenoconazoleအကြောင်းလေးသိချင်ပါတယ်

Pyraclostrobin မှိုသတ်ဆေး မှတ်စု Pyraclostrobin သည် မှိုရောဂါအမျိုးမျိုးကိုအလွန်ထိရောက်စွာနှိမ်နင်းနိုင်သော မှိုသတ်ဆေး တစ်မျိုးဖြစ်ပြီး ဓာတုပစ္စည်း strobilurin အမျိုးအစားမှာ ပါဝင်သည်။ ၎င်း၏လုပ်ဆောင်မှုပုံစံသည် အလွန်တိကျပြီး မှိုပိုးရောဂါပိုး၏ စွမ်းအင်ထုတ်လုပ်မှုကို နှောင့်ယှက်တိုက်ခိုက်ခြင်းဖြစ်သည်။ သုတေသနအချက်အလက်များအပေါ် အခြေခံ၍ pyraclostrobin သည် အက်စစ်ဓာတ်အနည်းငယ်သာရှိသော ရေတွင် အတည်ငြိမ်ဆုံးဖြစ်သည်။ လေ့လာမှုများစွာအရ pH 5.0 တွင် pyraclostrobin အတွက် အတည်ငြိမ်ဆုံးအခြေအနေအဖြစ် သတ်မှတ်ခဲ့သည်။ သုတေသနပြုချက်များအရ pyraclostrobin သည် pH 5.0 တွင် 23ရက်မှ-115 ရက်အထိ ဆေးသက်တမ်းတည်ရှိနိုင်သည်။US Environmental Protection Agency (EPA) မှ pyraclostrobin သည် "pH 5, 7, နှင့် 9 တွင်တည်ငြိမ်သည်" ဟုဖော်ပြထားသော်လည်း လေ့လာမှုအများစုက အက်စစ်ဓာတ်အခြေအနေများတွင်သာ ဆေးသက်တမ်းကြာရှည်နိုင်ကြောင်းဖော်ပြထားသည်။ pyraclostrobin သည် ရောဂါလက္ခဏာများမပေါ်မီ ကြိုတင်ကာကွယ်မှု သို့မဟုတ် ကာကွယ်ကုသရေးအဖြစ် အသုံးပြုသည့်အခါတွင် အထိရောက်ဆုံးဖြစ်ကြောင်း သုတေသနပြုချက်တွင် အမြဲမပြတ်ပြသထားသည်။ Pyraclostrobin သည် အပင်၏ အရွက်များမှ စုပ်ယူသော ပင်လုံးပျံ့မှိုသတ်ဆေးဖြစ်တာကြောင့် အရွက်တွင်ကျ‌ရောက်သောရောဂါများကိုအထိရောက်ဆုံးဖြစ်စေရန် အရွက်မှ စုပ်ယူနိုင်စေရန် ၁-၄ နာရီ ခန့်သာကြာနိုင်ပါသည်။မြေကြီး သို့မဟုတ် အမြစ်ဇုန်ရှိ ရောဂါ(ဥပမာ၊ အမြစ်ပုပ်၊ ပင်စည်ပုပ်)ကို ကုသရန် pyraclostrobin ကို အသုံးပြုမည်ဆိုပါက အပင်ခြေဖျန်းပြီး ရေပါးပါးပြန်သွင်းပေးရန်လိုအပ်ပါသည်။ဆေးဖျန်းပြီး အနည်းဆုံး၂၄နာကီအတွင်း မိုးရွာသွန်းခြင်း မရှိပါမှ ဆေးအလေအလွင့်အဆုံးရှုံးနည်းပါမည်။