ဒန့်သလွန်စိုက်နည်းလေးသိချင်လို့ပါဆရာတို့

စိုက်ပျိုးရန် မြေအမျိုးအစား သဲဆန်လွန်းသောမြေနှင့် ကျောက်စရစ်မြေများမှလွဲ၍ မြေမရွေး ဖြစ်ထွန်းနိုင်သည်။ မြေဩဇာ ထက်သန်ပြီး ရေမဝပ်သော နုန်းမြေ၊ သဲနုန်းမြေနှင့် နုန်းမြေစေး များသည် အကောင်းဆုံးဖြစ်သည်။ မျိုးရွေးချယ်ခြင်းနှင့် စိုက်ပျိုးချိန် ပြည်ပမျိုး (၆ လ မျိုး) များသည် စီးပွားဖြစ် စိုက်ပျိုးရန်အတွက် ပိုမိုရေပန်းစားလာသည်။ ကိုင်းဖြတ်စိုက်ပျိုးနည်းကို အသုံးပြုမည်ဆိုပါက မိုးဦးကျချိန် ဇွန်လ သည် အကောင်းဆုံးဖြစ်သည်။ စိုက်ပျိုးနည်းစနစ် အစေ့တိုက်ရိုက်ချ စိုက်ပျိုးနည်း - အစေ့ကို တိုက်ရိုက် စိုက်ကျင်းတွင် ထည့်သွင်း စိုက်ပျိုးခြင်းဖြစ်သည်။ ကိုင်းဖြတ် စိုက်ပျိုးနည်း - သန်စွမ်းသော အပင်မှ ကိုင်းများကို ဖြတ်တောက်၍ စိုက်ပျိုးခြင်းဖြစ်သည်။ တနိုင်တပိုင် စိုက်ပျိုးမည်ဆိုပါက အိမ်ခြံဝင်းအတွင်း တစ်ပင်၊ နှစ်ပင်ခန့် စိုက်ပျိုးနိုင်ပြီး စီးပွားဖြစ်အတွက်မူ စနစ်တကျ ကျင်းထူး၍ စိုက်ပျိုးရမည်ဖြစ်သည်။ အကျိုးကျေးဇူး ဒန့်သလွန်ပင်သည် အပူပိုင်းသီးနှံဖြစ်သော်လည်း တောင်ပေါ်မြေပြန့်မရွေး၊ ရာသီဥတုမရွေး ဖြစ်ထွန်းနိုင်သော အပင်ဖြစ်သည်။