မြစ်ကြီးနားမြို့ရဲ့ မိုးတွင်းကာလမှာစမုံစပါးကို မျိုးစေ့အောင် အမြစ်သန်တဲ့အထိ စိုက်လို့ရနိုင်လားရှင်ဆောင်းတွင်းမှာပဲစိုက်နေကြမို့ အခုလာမဲ့မိုးတွင်းကိုစျေးကောင်းရအောင် ကြိုးစားကြည့်ချင်လို့ပါ မျိုးစေ့စျေးလည်း ဒီနှစ်ကမြင့်တော့ ရမ်းမလုပ်ရဲလို့ ဆရာများလမ်းညွှန်ပေးကြပါဦးရှင် မိုးတွင်းကာလကို တဲထိုးပြီးစိုက်မှာပါ

မြစ်ကြီးနားဒေသမှာ မိုးတွင်းစမုန်စပါး စိုက်ဖို့ဆိုရင် အဓိက အခက်အခဲက 'အစိုဓာတ်လွန်ကဲမှု' ပါပဲ။ စမုန်စပါးက ရေဝပ်တာကို လုံးဝမခံနိုင်တဲ့အပြင် မိုးများရင် အမြစ်ပုပ်ရောဂါနဲ့ မှိုရောဂါတွေ အလွယ်တကူ ကျရောက်တတ်ပါတယ်။ တကယ်လို့ မိုးတွင်းမှာ အစေ့အောင်တဲ့အထိ စမ်းသပ်စိုက်ပျိုးချင်တယ်ဆိုရင်တော့ - ၁။ ရေနုတ်အား အလွန်ကောင်းတဲ့ ဘောင်မြင့်မြင့် တွေနဲ့ စိုက်ပါ။ ၂။ မိုးဒဏ်ကို တိုက်ရိုက်မထိအောင် မိုးကာအမိုးအောက် မှာ စိုက်ပျိုးတာက ပိုပြီးသေချာပါတယ်။ ၃။ မျိုးစေ့မချခင်မှာ မှိုသတ်ဆေးနဲ့ သေချာလူးနယ်ပေးဖို့ လိုအပ်ပြီး၊ ပန်းပွင့်ချိန်မှာ မိုးမိရင် အစေ့မအောင်ဘဲ ပုပ်သွားနိုင်တာကိုတော့ အထူးသတိပြုစေချင်ပါတယ်ခင်ဗျာ။ စီးပွားဖြစ်စိုက်ပျိုးမယ်ဆိုရင်တော့ မစိုက်ပျိုးသင့်ပါ၊စမ်းသပ်မယ်ဆိုရင်လည်းအနည်းငယ်ကစပြီးစမ်းသပ်ကြည့်ဖို့အကြံပြုပါတယ်