ဘာရောဂါလဲ ဘာဆေးသုံးသင့်လဲ

ပုံပါ နှမ်းပင်၏ လက္ခဏာကနှမ်း ပင်ခြေပုပ်ရောဂါ (Sesame Stem Rot / Charcoal Rot) ဖြစ်ပါတယ်။ ဒီရောဂါကMacrophomina phaseolina ဆိုသည့် မှိုကြောင့်ဖြစ်ပြီး ပင်ခြေပိုင်းတွင် မည်းညိုရောင် အနာကွက်များဖြစ်ကာ ပင်စည်ကို ရစ်ပတ်သွားသည့်အတွက် အပင်ငယ်များ ရုတ်တရက် ညှိုးသေသွားခြင်း ဖြစ်ပါတယ်။ ရောဂါကျရောက်နေသော အပင်များကို နှုတ်ယူဖျက်ဆီးပြီး ကျန်ရှိသော အပင်များကို ရောဂါမပြန့်ပွားစေရန် အောက်ပါမှိုသတ်ဆေးတစ်မျိုးမျိုးကို အသုံးပြုနိုင်ပါတယ်။ (Carbendazim)- ပင်လုံးပျံ့မှိုသတ်ဆေးဖြစ်ပြီး ပင်ခြေထိရောက်အောင် ဖျန်းပေးရပါမယ်။ (Azoxystrobin) -ရောဂါကာကွယ်ရန်နှင့် ကုသရန်အတွက် အသုံးပြုနိုင်ပါသည်။ ရေဝပ်ခြင်း သို့မဟုတ် အပင် အလွန်အမင်း ရေငတ်ခြင်းဖြစ်ပါက ရောဂါပိုဆိုးတတ်သဖြင့် အစိုဓာတ်ကို မျှတအောင် ထိန်းသိမ်းပါ။ ရောဂါရနေသော အပင်များကို တွေ့သည်နှင့် ချက်ချင်းနုတ်ယူ၍ စိုက်ခင်းအပြင်ဘက်တွင် မီးရှို့ဖျက်ဆီးပါ။ နောင်စိုက်ပျိုးလျှင် ကာဘင်ဒါဇင် ကဲ့သို့ ဆေးများဖြင့် မျိုးစေ့လူးနယ်ပြီးမှ စိုက်ပါ။ နှမ်းကို တစ်ဆက်တည်း မစိုက်ဘဲ ပဲမျိုးစုံ သို့မဟုတ် စပါး၊ ပြောင်း တို့နှင့် သီးလှည့်စိုက်ပျိုးပေးပါ။