နံသာစေ့ကို ဘယ်လို အပင်ပေါက်အောင် ပျိုးရလဲ ခင်ဗျား

နံ့သာဖြူပင်ကို စိုက်မြေမှာတိုက်ရိုက်အစေ့ချ​ပြီး စိုက်လို့လည်းရပေမယ့် ပျိုးပြီးမှစိုက်တာက ပိုကောင်းပါတယ်။ ပလတ်စတစ်အိတ်နဲ့ ထည့်ပျိုးကြတာများပြီး အိတ်အရွယ်မှာ( ၅" ×၆")၊ ( ၅"× ၇") ရှိ ပလတ်စတစ်အိတ်တွေကို သုံးနိုင်ပါတယ်။ ရေစိမ့်ရန်အတွက် အိတ်တွေကို အနည်းဆုံး (၄) ပေါက်ဖောက်ပေးရပါမယ်။ - ပျိုးအိတ်တွေထဲမှာ ထည့်ရမယ့် မြေအချိုးအစားကတော့ နုန်းမြေ (၂) ဆ၊ နွားချေးမြေဆွေး (၁) ဆ၊ သဲ (၁) ဆ တို့ကိုရောစပ်၍ ဇကာချပြီးမှ ထည့်ရပါမယ်။ မျိုးစေ့မထည့်ခင် ပျိုးအိတ်တွေကို ရေလောင်းပေးထားရ​ပြီး၊ ပျိုးအိတ်တစ်အိတ်ကို မျိုးစေ့ (၂) စေ့နှုန်းဖြင့် ပျိုးထောင်ပါ။ ပျိုးအိတ်တွေကို ရေနေ့စဉ်လောင်းပေးရမှာဖြစ်ပြီး ရေမများလွန်းဖို့လည်း ဂရုစိုက်ပေးရပါမယ်။ တစ်လ၊ တစ်လခွဲလောက်ဆို အပင်ပေါက်ပါတယ်။တစ်ပေခွဲ၊ နှစ်ပေအရွယ်ရှိအပင်များကို ပြောင်းရွှေ့စိုက်နိုင်ပါတယ်။ နှစ်ချင်းမစိုက်ချင်သေးပါက အိတ်အရွယ်အစား (၆"× ၈") ၊ (၈"× ၁၀") တို့မှာအိတ်ပြောင်းပြီး တစ်နှစ်ဆက်ထားနိုင်ပါတယ်။ အမှီပင်လိုအပ်တဲ့ နံ့သာဖြူပင်စိုက်ပျိုးနည်း