နွေစပါး အနှံထွက်နေပါပြီ အားဆေးဖျန်းမလို့ပါ မှိုသတ်ဆေးထည့်ရမလား ပိုးသတ်ဆေးတမျိုးမျိုးထည့်ရမလား အားဆေးတင်ဆိုလုံ...

စပါးအနှံထွက်ချိန်သည် အလွန်နုနယ်သဖြင့် စပါးခင်းတွင် ပိုးမွှားနှင့် မှိုရောဂါ လက္ခဏာ လုံးဝမရှိပါက အပင်အာဟာရဖြစ်စေမည့် အသီးနှံအောင်အားဆေး ( ဘိုရွန်ပါဝင်သောဆေး) တစ်မျိုးတည်း ဖျန်းပေးရုံဖြင့် လုံလောက်ပါသည်။ ပန်းပွင့်ချိန်တွင် ဆေးဖျန်းပါက ဝတ်မှုန်ကူးမှုကို အနှောင့်အယှက်ဖြစ်စေပြီး စပါးအဖျင်းများတတ်သဖြင့် မဖြစ်မနေ ဖျန်းလိုပါက ဝတ်မှုန်ကူးပြီးသည့် ညနေခင်း အေးချိန် တွင်သာ ဖျန်းပေးရပါမယ်။ ရောဂါမရှိဘဲ ပိုးသတ်ဆေးနှင့် မှိုသတ်ဆေးများကို ကြိုတင်ကာကွယ်ရန်သက်သက်ဖြင့် ပတ်ဖျန်းခြင်းကို ရှောင်ကြဉ်ရပါမယ်။