ခရမ်းချဥ်အပင်သက်တမ်း၂၀ရက်ရှိပါပြီဘာေဆးသုံးရမလဲဗျမှိုေဆးကဘယ်အချိန်သုံးရမလဲဗျမိုးရသီမှာလိုအပ်တဲ့ေဆးသိချင်ပါတယ်ဗျ...

သက်တမ်း (၂၀) ရက်သား ခရမ်းချဉ်ပင်များသည် ပျိုးပင်ဘဝမှ ရွှေ့ပြောင်းစိုက်ပြီးနောက် အမြစ်စွဲ၍ ကိုင်းဖြာ၊ အရွက်ထွက် သန်မာရမည့် အရေးကြီးဆုံး ကာလဖြစ်ပါတယ်။ အပင်အနေအထား ကောင်းမွန်နေသော်လည်း ယခုလို ရာသီဥတုပူပြင်းချိန်တွင် ကာကွယ်ဆေးများကို စနစ်တကျ ကြိုတင်ဖျန်းပေးရပါမယ်ခင်ဗျာ။ အရွက်နှင့် ပင်စည် သန်မာထွားကျိုင်းစေရန် ယူရီးယား သို့မဟုတ် ကွန်ပေါင်းဓာတ်မြေဩဇာ (NPK 15:15:15) ကို အပင်ခြေပတ်လည်တွင် အနည်းငယ်စီ ကျွေးပေးပါ။အပင်မ‌ လောင်စေရန်အပင်နှင့် အနည်းဆုံး၃လက်မခွာကျွေးပေးပါခင်ဗျာ၊မြေဩဇာနှုန်းထားကိုလည်းအနည်းဆုံးနှုန်းထားဖြင့်ကျွေးပေးပါ။ ပိုးမွှားနှင့် ရောဂါကာကွယ်ရန်အတွက် ယင်ဖြူ၊ လှေးပိုးနှင့် ရွက်ထွင်းပိုးများအတွက် အဆီတာမီပရစ် (Acetamiprid) သို့မဟုတ် အီမီဒါကလိုပရစ် (Imidacloprid) ပိုးသတ်ဆေးနှင့်အတူ၊ ခါးရိရောဂါနှင့် မှိုရောဂါကာကွယ်ရန် မန်ကိုဇက် (Mancozeb) သို့မဟုတ် ကာဗင်ဒါဇင် (Carbendazim) မှိုသတ်ဆေးတို့ကို တွဲဖက်၍ အချိုးအစားမှန်ကန်စွာ ပက်ဖျန်းပေးသင့်ပါတယ်။ ဓာတုဆေးဝါးများနှင့် အပင်အားဆေးများကို ရာသီဥတု ပူပြင်းသည့် နေ့လယ်ပိုင်းတွင် လုံးဝမဖျန်းရဘဲ မနက်စောစော (နေမပြင်းမီ) သို့မဟုတ် ညနေစောင်း အေးမြချိန်တွင်သာ စနစ်တကျ ပက်ဖျန်းပေးရပါမယ်ခင်ဗျာ။ အကယ်၍ပိုး၊ရောဂါ ကျရောက်နိုင်ခြေမရှိသေးဘူးဆိုရင်လည်း သဘာဝတမာပိုးသတ်ဆေးဖျန်းရန်အကြံပြုချင်ပါတယ်ခင်ဗျာ။