ကွမ်းပင်တွေပင်ခြေနဲ့အမြစ်တွေပုတ်ပြီးနွမ်းနေလို့ပါဘာဆေးသုံးသင့်ပါလဲဘယ်လိုပြုစုနိုင်ပါသလဲ

ပုံပါလက္ခဏာမှာ ကွမ်းပင်ခြေပုပ်၊ အမြစ်ပုတ်ရောဂါ ဖြစ်ပြီး မြေကြီးထဲရှိ Phytophthora သို့မဟုတ် Pythium မှိုပိုးများကြောင့် အဓိက ဖြစ်ပွားရခြင်း ဖြစ်ပါတယ်။ ရောဂါကြောင့် အမြစ်နှင့် ပင်ခြေပိုင်း ပုပ်မည်းကာ အပင်ဆီသို့ ရေနှင့် အာဟာရ မပို့ဆောင်နိုင်တော့ဘဲ တစ်ပင်လုံး ညှိုးခြောက်သေဆုံးသွားတတ်ပါသည်။ ၎င်းကို ကုသရန်အတွက် Metalaxyl (မက်တယ်လဇီး) သို့မဟုတ် Fosetyl-Al (ဖော့စတိုင်း အလူမီနီယမ်) သို့မဟုတ်Mancozeb + Metalaxyl (မန်ကိုဇက် + မက်တယ်လဇီး) ကဲ့သို့သော ပင်လုံးပျံ့မှိုသတ်ဆေးတစ်မျိုးမျိုးကို ကွမ်းပင်ခြေရင်းမြေကြီးထဲသို့ရွှဲရွှဲဖျန်းပေးရပါမယ်။ ထို့ပြင် ရောဂါရအပင်များကို နှုတ်ယူမီးရှို့ခြင်း၊ ကွမ်းဘောင်များ ရေမဝပ်အောင် ရေနုတ်မြောင်း ပြုပြင်ခြင်းနှင့် မြေကြီးထဲ ထုံးမှုန့် ဖြူးပေးခြင်းတို့ကို ပူးတွဲလုပ်ဆောင်ရပါမယ်ခင်ဗျာ။