ကန်ဇွန်းစေ့စိုက်ထားတာ အပင်လေးပေါက်လာပါပြီ အပင်လေး သန်စွမ်းအောင်လို့ ဘယ်လိုလုပ်ဆောင်ပေးရမလဲဗျ။

ပုံပါကန်စွန်းရွက် အစေ့ပေါက်လေးများ ဆက်လက်သန်စွမ်းပြီး အရိုးတုတ် အရွက်ကြီးလာစေရန်အတွက် အဓိကလုပ်ဆောင်ရမည့်အချက်မှာ "အပင်ခွဲပေးခြင်း" ဖြစ်ပါတယ်။ လက်ရှိတွင် အပင်များ အလွန်စိပ်နေသဖြင့် အရွက်စစ် ၂ ရွက်ခန့်ထွက်လာချိန်တွင် တစ်ပင်နှင့်တစ်ပင် ၃ လက်မခန့် ကွာဝေးအောင် ကြားညှပ်ပင်များကို ညင်သာစွာ နှုတ်ပစ်ရမည်။ ထို့ပြင် အိုးကို နေရောင်ခြည် တိုက်ရိုက်ရရှိသော ဝရန်တာ သို့မဟုတ် ပြတင်းပေါက်အနီးသို့ ရွှေ့ပြောင်းပေးရန် လိုအပ်ပြီး၊ မြေဆီလွှာကို ရေမဝပ်စေဘဲ အမြဲစိုစွတ်နေအောင် မနက်/ည ရေမှန်မှန်လောင်းပေးရမည်။ အပင်သက်တမ်း ၂ ပတ်ကျော်ပါက နိုက်ထရိုဂျင်ဓာတ်ကြွယ်ဝသော ဆန်ဆေးရည်အချဉ် သို့မဟုတ် သဘာဝမြေဆွေးကို အပင်ခြေတွင် အနည်းငယ် ကျွေးပေးခြင်းဖြင့် ရက်ပေါင်း ၂၅ ရက်အတွင်း စိမ်းစိုသန်စွမ်းသော ကန်စွန်းရွက်များကို စတင်ခူးဆွတ်နိုင်ပါလိမ့်မယ်။ အကောင်းဆုံးကတော့ မြေပြင်မှာ ပြောင်းရွှေ့စိုက်ပျိုးခြင်းက အကောင်းဆုံးပါပဲဗျ။နေရာကျဉ်းပါက အပင်မပြန့်နိုင်ဘဲဖြစ်နေပါလိမ့်မယ်ခင်ဗျာ။