ဘာရောဂါကျနေတာလဲဗျ ဖျန်းရမယ့်ဆေး ညွှန်ပေးပါအုံး

ပုံပါပဲခင်းတွင် ဆာကိုစပိုးရား ရွက်ပြောက်ရောဂါနှင့် အဝါရောင်မိုစေ့ဗိုင်းရပ်စ်ရောဂါတို့ တွဲဖက်ကျရောက်နေပါတယ်။ ရောဂါများကို ကုသရန်အတွက် မှိုရောဂါသက်သာစေသော ဟက်ဆာကိုနက်ဇိုး (Hexaconazole) သို့မဟုတ် ပရိုပီကိုနက်ဇိုး (Propiconazole) ပါဝင်သော ပင်လုံးပြန့်မှိုသတ်ဆေး တစ်မျိုးမျိုးနှင့် ဗိုင်းရပ်စ်သယ်ဆောင်သော ယင်ဖြူ/ပျပိုးများကို နှိမ်နင်းရန် အီမီဒါကလိုပရစ် (Imidacloprid) ပင်လုံးပြန့်ပိုးသတ်ဆေးတို့ကို တွဲဖက်ပက်ဖျန်းရပါမယ်။ ၎င်းအပြင် ရောဂါရင့်နေသောအပင်များကို နှုတ်ယူမီးရှို့ခြင်းနှင့် စိုက်ခင်းတွင်း ပေါင်းမြက်ရှင်းလင်းခြင်းတို့ကိုပါ ပူးတွဲလုပ်ဆောင်ရပါမယ်ခင်ဗျာ။အပင်ခံနိုင်ရည်ရှိစေရန် နိုင်ထရိုဂျင် (ပုလဲ) မြေဩဇာ အလွန်အကျွံသုံးခြင်းကို ရှောင်ကြဉ်ပြီး၊ ပိုတက်စီယမ် (အသီးအားဆေး) နှင့် အနည်းလိုဓာတ် အားဆေးများများ ပက်ဖျန်းပေးပါခင်ဗျာ။