ပဲလိပ်ပြာ စိုက်ချိန်နဲ့ လ စိုက်ပျိုးနည်းများ သိပါရစေခင်ဗျ အညာဒေသ မြိုင်နယ်မှာ စိုက်လို့ ရပါ့မလားခင်ဗျ ဆရာတို့...

ပဲလိပ်ပြာ (အပျိုကြီးပဲ) ကို အညာဒေသ မြိုင်မြို့နယ်မှာ ဆောင်းသီးနှံအဖြစ် အောက်တိုဘာနဲ့ နိုဝင်ဘာလတွေမှာ အောင်မြင်စွာ စိုက်ပျိုးနိုင်ပါတယ်။ စိုက်ပျိုးတဲ့အခါ ရေမဝပ်ဘဲ ရေစီးရေလာကောင်းတဲ့ သဲနုန်းမြေ ဒါမှမဟုတ် နုန်းမြေတွေကို ရွေးချယ်ပြီး မြေပြင်ချိန်မှာ သဘာဝမြေဩဇာ အလုံအလောက် ထည့်ပေးရပါမယ်။ မျိုးစေ့နှုန်းအနေနဲ့ တစ်ဧကကို (၆) ပြည်ကနေ (၇) ပြည်အထိ လိုအပ်ပြီး၊ ပဲလိပ်ပြာဟာ နွယ်တက်တဲ့ သီးနှံဖြစ်လို့ အပင်ကြီးထွားလာရင် စင်ဆောက်ပေးခြင်း ဒါမှမဟုတ် တိုင်ထောင်ပေးခြင်းကို မဖြစ်မနေ လုပ်ဆောင်ပေးရပါမယ်။ စိုက်ပျိုးပြီး သက်တမ်း (၇၅) ရက်ခန့်မှာ စျေးကွက်ဝင် ပဲအစိုစေ့တွေကို စတင်ဆွတ်ခူး ရောင်းချနိုင်မှာ ဖြစ်ပါတယ်။