စတော်ဘယ်ရီပျိူးဖို့မြေစပ်နည်းနဲ့စတော်ဘယ်ရီစိုက်ဖို့မြေကိုဘယ်လိုပြုပြင်သင့်ပါသလဲဗျာ

စတော်ဘယ်ရီပျိုးထောင်ရန်အတွက် အပေါ်ယံမြေ ၂ ပုံ၊ နွားချေးဆွေး ၁ ပုံနှင့် ဖွဲပြာ ၁ ပုံတို့ကို မှိုသတ်ဆေး (ထရိုင်ဂိုဒါးမား) တစ်မျိုးမျိုးနှင့် သမအောင်ရောမွှေပြီး တစ်ပတ်ခန့် နှပ်ထားရပါမယ်။ စိုက်ပျိုးမည့် မြေကွက်ကို ပြင်ဆင်ရာတွင် မြေကို ၁ ပေခန့်အနက်အထိ ညက်နေအောင်ဆွပြီး နွားချေးဆွေး သို့မဟုတ် ကွန်‌ပေါင်းမြေသြဇာများ ထည့်ရပါမယ်။ ထို့နောက် ရေမဝပ်စေရန် အမြင့် ၃၀ မှ ၄၀ စင်တီမီတာရှိသော ဘောင်မြှင့်စနစ်ကို ပြင်ဆင်ပြီး၊ ပေါင်းမြက်ကာကွယ်ရန် ဘောင်ပေါ်တွင် စိုက်ပျိုးရေးသုံး ပလတ်စတစ်အမည်း (သို့မဟုတ်) ကောက်ရိုးခြောက်များကို စနစ်တကျ အုပ်ပေးရပါမယ်။ စိုက်ပျိုးချိန်တွင် အပင်၏ ပင်စည်ခြေမျက်စိကိုမြေကြီးထဲ နက်နက်ကြီး မြှုပ်မသွားစေရန် အထူးသတိပြု စိုက်ပျိုးရပါမယ်။