မာလကာပင်ကရွက်တွေဝါနေလို့ပါ အသီးလဲသီးပါတယ်

ပုံပါ မာလကာပင်တွင် အရွက်များ နီမြန်းပြီး ဝါကြင်ကြင် ဖြစ်နေသည့် လက္ခဏာမှာ အဓိကအားဖြင့် အာဟာရဓာတ် ချို့တဲ့ခြင်း ကြောင့် ဖြစ်တာပါ။ အပင်များတွင် ဖော့စဖရပ် (Phosphorus) ဓာတ် မလုံလောက်ပါက အရွက်ဟောင်းများမှာ ခရမ်းရောင် သို့မဟုတ် နီညိုရောင်သို့ ပြောင်းလဲသွားတတ်ပြီး၊ မဂ္ဂနီဆီယမ် (Magnesium) ဓာတ် ချို့တဲ့ပါက အရွက်ရင့်များ၏ ရွက်ကြောများအကြား ကြေးနီရောင် သို့မဟုတ် နီမြန်းခြင်းများ ဖြစ်ပေါ်လေ့ရှိပါတယ်။ ၎င်းအပြင် ရာသီဥတု အေးလွန်းခြင်း သို့မဟုတ် မြေဆီလွှာ ကျပ်လွန်းခြင်းကြောင့် အမြစ်မှ အာဟာရ မစုပ်ယူနိုင်ခြင်းလည်း ဖြစ်တတ်ပါတယ်။ ဤပြဿနာကို ကုသရန်အတွက် P,Kပါဝင်သည့်ရွက်ဖျန်းအားဆေးနှင့် အနည်းလိုအဟာရပါသော(Ca,B,Mg,Mn,Zn,Fe)အား ဆေး ကို ၁၅ ရက်တစ်ကြိမ်နှုန်းဖြင့် အရွက်များ ပြန်လည်စိမ်းလန်းလာသည်အထိ ဖျန်းပေးရပါမယ်။ ရေရှည်အတွက်မူ အပင်ခြေကို မြေဆွပေးပြီး သဘာဝမြေသြဇာ များ နှင့် ကွန်ပေါင်းမြေဩဇာများ ထည့်သွင်းပေးခြင်းဖြင့် မြေဆီလွှာကို ပြုပြင်ပေးသင့်ပါတယ်