ပဲပုပ်ကို ခုတ်ဖုံးကျဲလိုရလား

@ဦးလှဦးမှထောက်ခံသည်

နှစ်သက်

ထောင့်ခံ

ပဲပုပ်ကို ခုတ်ဖုံးစနစ်ဖြင့် အောင်မြင်စွာ စိုက်ပျိုးနိုင်ရုံသာမက အလွန်ကောင်းမွန်သော နည်းစနစ်တစ်ခု ဖြစ်ပါတယ်။ အထူးသဖြင့် မိုးစပါးရိတ်သိမ်းပြီးနောက် လယ်မြေများတွင် ကျန်ရှိနေသည့် လက်ကျန်မြေအစိုဓာတ်ကို အသုံးချပြီး သီးထပ်စိုက်ပျိုးရာတွင် လုပ်အားခနှင့် ထွန်ယက်ခ ကုန်ကျစရိတ်များကို များစွာသက်သာစေပါတယ်။ စပါးရိုးပြတ်များနှင့် ကောက်ရိုးများကို ခုတ်ဖုံးပေးခြင်းဖြင့် မြေကြီးအတွင်းရှိ အစိုဓာတ်ကို ရေရှည်ထိန်းသိမ်းပေးပြီး ပေါင်းမြက်ပင်များ ပေါက်ပွားမှုကို သဘာဝအတိုင်း တားဆီးပေးနိုင်ပါတယ်။ သို့သော်လည်း အပင်ပေါက်နှုန်း ကောင်းမွန်စေရန်အတွက် စပါးရိတ်သိမ်းပြီးပြီးချင်း အစိုဓာတ်ရှိစဉ် အချိန်မီ စိုက်ပျိုးရန် လိုအပ်ပြီး၊ မြေအောက်မှိုရောဂါများနှင့် ဖျက်ပိုးများရန်မှ ကာကွယ်ရန် မစိုက်ပျိုးမီ မျိုးစေ့လူးနယ်ဆေး စနစ်တကျ သုံးစွဲရန် အထူးသတိပြုရပါမယ်။နောင်အပင်အရွယ်အလိုက်ရေလိူအပ်ချိန်ရေသွင်းပေးနိုင်ရန်လည်းလိုအပ်ပါတယ်။