ယာခင်းထဲမှာသီးနှံမျိုးစေ့ ပါးတဲ့နေရာရှိနေပါတယ် နှစ်တိုင်းဖြစ်နေတာပါဆရာ တအားထူအောင်သစ်စေ့ချလဲမရပါဖူး ဘလိုလုပ်ရမ...

နှမ်းစေ့ကို ထူထူကြဲသော်လည်း အပင်ကွက်ပြီး ပါးနေခြင်းမှာ မျိုးစေ့ကြောင့်မဟုတ်ဘဲ ထိုနေရာ၏ မြေဆီလွှာအခြေအနေနှင့် မြေအောက်အောင်းပိုးများကြောင့် ဖြစ်ပါတယ်။ အဓိကအားဖြင့် ထိုနေရာသည် ချိုင့်ခွက်ဖြစ်၍ ရေဝပ်ခြင်း၊ သို့မဟုတ် မြေကြီးလွန်စွာကျစ်ပြီး လေဝင်လေထွက်မကောင်းခြင်းများကြောင့် နှမ်းစေ့များပုပ်ကာ အပင်မပေါက်နိုင်ခြင်း ဖြစ်တတ်ပါတယ်။ ထို့ပြင် မြေအောက်အောင်းပိုးများက နှမ်းစေ့များကို ကိုက်ဖြတ်သယ်ဆောင်သွားခြင်း၊ သို့မဟုတ် နှစ်တိုင်းနှမ်းချည်းပဲ ဆက်တိုက်စိုက်သဖြင့် မြေတွင်းမှိုရောဂါ ခိုအောင်းနေခြင်းတို့ကြောင့်လည်း ဖြစ်နိုင်ပါတယ်။ ၎င်းကိုဖြေရှင်းရန် မြေမျက်နှာပြင်ညှိခြင်း၊ ရေနုတ်မြောင်းဖောက်ခြင်း၊ မြေခံတွင် ပိုးသတ်ဆေးနှင့် သစ်ဆွေးမြေထည့်ခြင်း၊ မှိုသတ်ဆေးမျိုးစေ့လူးနယ်ဆေးအသုံးပြုခြင်းနှင့် သီးလှည့်စိုက်ပျိုးခြင်းတို့ကို ပြုလုပ်ရပါမယ်။