ချောင်းသာပေါ်ဆန်း ပျိုးပင်၅၅ရက်သား ရွက်ဖျားခြောက်နေလို့စိုက်ခင်းပြောင်းစိုက်ရန်ဖြစ်နိုင်ပါ့မလား ဆေးသုံးရင်လဲ...

Question

ချောင်းသာပေါ်ဆန်း ပျိုးပင်၅၅ရက်သား  ရွက်ဖျားခြောက်နေလို့စိုက်ခင်းပြောင်းစိုက်ရန်ဖြစ်နိုင်ပါ့မလား  ဆေးသုံးရင်လဲဘယ်လိုဆေးသင့်မလဲပြောပေးစေလိုပါတယ်ဓါတ်ပုံပို့ပေပါတယ်

သော်ဇင် · Accepted Answer

ပုံပါ ပျိုးခင်းသက်တမ်း ၅၅ ရက်ရှိ ချောင်းသာပေါ်ဆန်းစပါးတွင် ဘက်တီးရီးယားရွက်ခြောက်ရောဂါ (BLB) နှင့် စပါးရွက်ညိုပျောက်ရောဂါ (Brown Spot) ပူးတွဲကျရောက်နေပါတယ်။ အဝါရောင်အစင်းတန်းများ အရွက်ဖျားမှ အောက်ခြေသို့ ခြောက်ဆင်းလာခြင်းသည် ဘက်တီးရီးယားကြောင့်ဖြစ်ပြီး၊ အရွက်ပေါ်ရှိ နှမ်းစေ့ပုံသဏ္ဌာန် အဝါရောင်အနားဝန်းပါ အစက်အပြောက်များသည် မှိုကြောင့်ဖြစ်သော ရွက်ညိုပျောက်ရောဂါ လက္ခဏာများ ဖြစ်ပါတယ်။ ပျိုးပင်သက်တမ်းရင့်နေပြီဖြစ်၍ ရွှေ့ပြောင်းစိုက်ပျိုးသည့်အခါ ပိုးမွှားဒဏ်ရာမှတစ်ဆင့် ပိုမိုမကူးစက်စေရန် ပျိုးပင်ထိပ်ဖျားများကို ဖြတ်တောက်ခြင်း လုံးဝမပြုလုပ်ရပါဘူး။ ရောဂါနှစ်မျိုးလုံးကို တစ်ပြိုင်နက် ထိန်းချုပ်နိုင်ရန် ကော့ပါး (Copper) ပါဝင်သော ဆေးဝါးများ သို့မဟုတ် ဘက်တီးရီးယားသတ်ဆေး (Bismerthiazole/Oxolinic acid/Kasugamycin) နှင့် မှိုသတ်ဆေး (Tricyclazole/Propiconazole) တို့ကို အလှည့်ကျဖျန်းပေးသင့်ပြီး နိုက်ထရိုဂျင်မြေသြဇာ အလွန်အကျွံကျွေးခြင်းကို ရှောင်ကြဉ်ရပါမယ်။ ဤပျိုးပင်များကို စိုက်ခင်းတွင် ဆက်သုံးပါက ကောင်းကျိုးအနေဖြင့် ပျိုးခင်းအသစ် ပြန်မထောင်ရတော့သဖြင့် အချိန်ကုန်သက်သာခြင်းနှင့် မျိုးစေ့ဖိုး ကုန်ကျစရိတ် သက်သာခြင်းတို့ ရှိနိုင်ပါတယ်။ သို့သော် ဆိုးကျိုးအနေဖြင့် ရောဂါပိုးမွှားများ စိုက်ခင်းသစ်သို့ တိုက်ရိုက်ပါသွားပြီး အပင်လှန်ချိန်တွင် ရောဂါပြန့်ပွားမှု ပိုမိုဆိုးရွားလာနိုင်ခြင်း၊ သက်တမ်းရင့်လွန်းသဖြင့် အပင်ပွားနှုန်း နည်းပါးသွားခြင်းနှင့် နောက်ဆုံးတွင် အထွက်နှုန်း သိသိသာသာ လျော့ကျခြင်းတို့ကို ရင်ဆိုင်ရနိုင်ပါတယ်။ အကယ်၍ အခြားပျိုးပင် အစားထိုးစရာ လုံးဝမရှိ၍ မလွှဲမရှောင်သာ သုံးစွဲရမည်ဆိုပါက ပျိုးပင်များကို မှိုသတ်ဆေးနှင့် ဘက်တီးရီးယားသတ်ဆေး ဖျန်းပြီးမှ စိုက်ပျိုးခြင်း၊ ထိပ်ဖျား လုံးဝမဖြတ်ခြင်းနှင့် စိုက်ခင်းသစ်တွင် အဟာရဓာတ် ဂရုစိုက်ကျွေးခြင်းတို့ဖြင့် အထူးပြုစုပျိုးထောင်ရပါမယ်။အကယ်၍ပျိုးနှုတ်ရက်နီးနေပြီဆိုရင်တော့ ပြောင်းရွှေ့စိုက်ပျိုးပြီးမှ ကောက်ပင်လှန်ချိန်ကျမှ ‌ မှိုသတ်ဆေးနှင့် ဘက်တီးရီးယားသတ်ဆေး ဖျန်းပက်ကုသရုံသာရှိပါတော့မယ်ခင်ဗျာ။နားမလည်တာရှိပါက ထပ်မေးနိုင်ပါတယ်။

သော်ဇင် · Answer

ဟုတ်ကဲ့၊အပင်မသေပေမယ့် အရွက်တွေခြောက်တာက ကူးစက်မှုအရမ်းမြန်တတ်လိူ့ပါခင်ဗျာ

U Myint Naing · Answer

ယခုပုံစံမျိုးလွန်ခဲ့တဲ့ရက်၂၀ခန်ကထဲကဖြစ်နေတာပါ အပင်များသေတဲ့အဆင့်ထိမတွေရပါ

U Myint Naing · Answer

ကျေးဇူးပါ

သော်ဇင် · Answer

ဆေးဖျန်းပြီး၃ရက်လောက်ဆိုပြောင်းရွှေ့စိုက်ပျိုးလို့ရပါတယ်၊ဦးကြီးးအသုံးပြုထားတာဆတွကပိုးသတ်ဆေးတွေပါခင်ဗျာ၊လုံးဝထိရောက်မှုမရှိပါခင်ဗျာ၊ စိုက်ပြီးတဲ့နောက်အပင်များအားလုံးသေပျောက်ဖြစ်နိုင်ခြင်းရှိမရှိကတော့ အပင်အားလုံးမသေနိုင်ပါဘူးခင်ဗျာ၊ ရောဂါပြင်းထန်စွာကျသည့်အပင်များသာသေမှာပါ၊ ဆေးဖျန်းခြင်းကတော့ ပြောင်းရွှေ့စိုက်ပြီးမှဖျန်းလည်းရသလို ပျိုးခင်းမှာကတည်းကဖျန်းလည်းရပါတယ်ခင်ဗျာ။ အဓိကဖျန်းရမှာက ဘက်တီးရီးယားသတ်ဆေးဖြစ်ပါတယ်၊ (Copper oxychloride, Copper hydroxide, Oxolinic acid, Bismerthiazole, Kasugamycin)တမျိုးမျိုး‌ပါ။ ရွက်ညိုပျောက်မှိုရောဂါတော့ ကူးစက်မှုနှေးလို့ နောက်စိုက်ခင်းကျမှ ရောဂါဆက်ပျံ့မှုရှိမရှိစောင့်ကြည့်စစ်ဆေးရမှာပါခင်ဗျာ

U Myint Naing · Answer

အဖြေကိုစောင့်နေပါတယ်

U Myint Naing · Answer

ဆေးဖျန်ပြီးဘယ်ရက်လောက်မှရွေ့ပြောင်းစိုက်သင့်ပါသလဲ ဖျုရာဒါန်၅ဂျီ+ပေါ်တက် ကျဲထါးပါသေးတယ် စိုက်ပြီးတဲ့နောက်ပိုင်းအပင်များလုံးဝသေပျောက်သွားနိုင်ပါသလား

ဖြေကြားချက် ၇ ခု