ပဲအတွက် လိုအပ်မည့်ဆေးကောင်းများလမ်းညွှန်ပေးပါအုံးဗျ

မတ်ပဲစိုက်ပျိုးရာတွင် အောင်မြင်ဖြစ်ထွန်းစေရန် အပင်သက်တမ်းအလိုက် သွင်းအားစုများကို စနစ်တကျ သုံးစွဲရပါမယ်။ အပင်ငယ်စဉ် သက်တမ်း (၁၅-၃၀ ရက်) တွင် အမြစ်ဆင်းကောင်းပြီး ပင်ပိုင်းကြီးထွားစေရန် နိုက်ထရိုဂျင်နှင့် ဖော့စဖရပ် ပါဝင်မှုများသော ရွက်ဖြန်းဆေးများ (ဥပမာ - ၂၀:၂၀:၂၀) ကို ပေါင်းသတ်ဆေးနှင့် တွဲဖက်သုံးစွဲနိုင်ပါတယ်။ အရေးကြီးဆုံးဖြစ်သော ပန်းပွင့်ဖူးဝင်ချိန်နှင့် သီးကင်းထွက်ချိန် (၃၅-၅၀ ရက်) တွင် အပွင့်မကြွေစေရန် ကယ်လ်စီယမ်-ဘိုရွန် ပါဝင်သော အားဆေးများနှင့်အတူ ပဲပွင့်ထွေးပိုးနှင့် ယင်ဖြူများကို ကာကွယ်ရန် Imidacloprid ကဲ့သို့သော ပင်လုံးပြန့်ပိုးသတ်ဆေးကို ဖြန်းပေးရပါမယ်။ ပဲတောင့်ကြီးပြီး အစေ့တည်ချိန် (၅၀ ရက်နောက်ပိုင်း) တွင်မူ ပဲစေ့အောင်ပြီး အလေးချိန်စီးစေရန် ပိုတက်စီယမ်မြင့်မားသော အားဆေးများကို သုံးစွဲပေးရပါမယ်။ပိုး၊ရောဂါကျမကျအမြဲစောင့်ကြည့်စစ်ဆေးပါ