ပဲတီစိမ်းခုတ်ဖုံးအတွက်နည်းလမ်းလေးမျှဝေပေးပါဆရာ

ခုတ်ဖုံးပဲတီစိမ်းကတော့ စပါးရိတ်ပြီး မြေ အစိုဓာတ်ရှိနေချိန်မှာ မျိုးစေ့ပဲကို ရိုးပြတ်ထဲ မှာ ပေါက်ကြဲကြဲခြင်း ဖြစ်ပါတယ်။ ပြီးရင် ရိုးပြတ်တွေကို ဓားနဲ့ခုတ်ပြီး ပဲစေ့ပေါ်မှာ ဖုံး ပေးတာဖြစ်တဲ့အတွက် ခုတ်ဖုံးပဲလို့ခေါ်တာ ဖြစ်ပါတယ်။ ရေလိုက်နဲ့ ခုတ်ဖုံးပဲဟာ မြေယာပြုပြင်စရာမလိုဘဲ ထယ်ရေးမဲ့စနစ် ဖြစ်တဲ့အတွက် ကုန်ကျစရိတ်သက်သာပြီး ပဲ ထွက်လည်းကောင်းတာ တွေ့ရပါတယ်။ ဒါ ပေမယ့် အစိုဓာတ်မိဖို့အတွက် စိုက်ချိန်မှန် အောင် အထူးဂရုပြုဖို့ လိုပါတယ်။ ✅ ရေလိုက်နဲ့ ခုတ်ဖုံးပဲ စိုက်ပျိုးမယ်ဆိုရင် သဲဆန်လွန်းတဲ့မြေ၊ အစိုဓာတ်မထိန်းနိုင်တဲ့ မြေတွေမှာ မစိုက်ပျိုးသင့်ပါဘူး။ ကိုင်း၊ ကျွန်းမြေ တွေမှာမူ မိုးရာသီ ရေလွှမ်းနုန်းပုံပြီး ရေပြန် ကျသွားတဲ့အခါ ကိုင်း၊ ကျွန်း ပဲတီစိမ်းအဖြစ် စိုက်ပျိုးကြပါတယ်။ သီးထပ်ပဲတီစိမ်း မဟုတ်ပါ။ ရေလိုက်ပဲတီစိမ်းနဲ့ ခုတ်ဖုံးပဲတီ စိမ်း စိုက်ပျိုးမယ်ဆိုရင် စပါးအောင်ရေ လွှတ်ချိန်မှာ တီစူပါမြေဩဇာ အိတ်ဝက်ကို စပါးခင်းမှာ ပဲအတွက် ကြိုတင်ပက်ကြဲထား ဖို့လိုပါတယ်။ မျိုးစေ့နှုန်းကို ၁၀-၁၂ ပြည် လောက် အသုံးပြုဖို့ လိုအပ်ပါတယ်။