ဘာလိုအပ့်လဲ များများပဲအောင်

မြေပဲဥများများဥပြီး အဆံအောင်ရန်အတွက် အဓိကလိုအပ်သော ဓာတ်မှာ ကယ်လ်စီယမ်ဓာတ် (ဂျစ်ပဆမ်) ဖြစ်ပြီး ၎င်းကို ပန်းပွင့်ချိန် သို့မဟုတ် စွယ်ဆင်းချိန်တွင် အပင်ခြေ၌ မြေခံအဖြစ် ထည့်ပေးရပါမယ်။ ၎င်းအပြင် ဥများ အောင်မြင်စေရန် ဖော့စ်ဖရပ်နှင့် ပိုတက်ဆီယမ်ဓာတ် မြင့်မားသော ရွက်ဖျန်းအားဆေးများကိုပါ ဖြန်းပေးရပါမယ်။ ဆီဓာတ် ပိုမိုထွက်ရှိစေရန်နှင့် လေဥအုခြင်းမှ ကာကွယ်ရန်အတွက် ကန့်ဓာတ်(S)နှင့် ဘိုရွန်(B)ဓာတ်ပါဝင်သော အနည်းလို အဟာရ အားဆေးများကို သုံးစွဲပေးသင့်ပါတယ်။ဆေးအပြင် ပန်းပွင့်ခါစအချိန်တွင် အပင်ခြေကို မြေဆွပေးခြင်းနှင့် ဘောင်တင်ပေးခြင်း တို့ကို မဖြစ်မနေ ပြုလုပ်ပေးရမည်ဖြစ်ပြီး၊ ထယ်ရေးညက်ညောကာ မြေတွင်းအစိုဓာတ်ရှိမှသာ မြေပဲစွယ်များ မြေကြီးထဲသို့ လွယ်ကူစွာထိုးဝင်ပြီး ဥပွားနိုင်ပါလိမ့်မယ်။အပင်သက်တမ်းအလိုက် ပန်းပွင့်ချိန်နှင့် စွယ်ဆင်းချိန်များတွင် ဖော်ပြပါပြုစုနည်းများနှင့် အာဟာရဆေးများကို ပေါင်းစပ်အသုံးပြုခြင်းဖြင့် အထွက်နှုန်း သိသိသာသာ တိုးတက်လာနိုင်ပါတယ်ခင်ဗျာ