ဘူးသီးပျိုးပင်တွေ မြေပေါ်ချပြီး ၃ ၄ရက်နေတာနဲ့ခါးတွေ ညိ့ပြီး အပက်တွေသေ အရိုးတွေကွဲဖြစ်ကုန်လို့ တချို့ဆို အပင်ခါးကိုအလယ်ကနေညီ့ပြီးပြတ်ထွက်သွားတာ

ပုံပါ ဘူးပင်ငယ်များတွင် ဖြစ်ပွားနေသော လက္ခဏာမှာ မြေဆောင်မှိုကြောင့်ဖြစ်သည့် ပင်စည်ကွဲအက် အစေးထွက်ရောဂါ (Gummy Stem Blight) ဖြစ်ပြီး၊ စိုထိုင်းဆများခြင်းနှင့် ရေဝပ်ခြင်းတို့ကြောင့် ပိုမိုဆိုးရွားတတ်ပါတယ်။ ရောဂါကို ထိရောက်စွာ ကုသရန်အတွက် အပင်ခြေနှင့် တစ်ပင်လုံးကို Azoxystrobin + Difenoconazole သို့မဟုတ် Pyraclostrobin + Metiram ကဲ့သို့သော ပင်လုံးပျံ့မှိုသတ်ဆေးများ ပက်ဖျန်းပေးရပါမယ်။ ၎င်းအပြင် ရောဂါရနေသော အပင်ခြေတစ်ဝိုက်ရှိ မြေဆီလွှာကိုပါ ကာဘင်ဒါဇင် (Carbendazim) သို့မဟုတ် တာလစ်ဆီ (Metalaxyl) သို့မဟုတ် Hymexazol သို့မဟုတ် Foestyl Al ဆေးရည် ဖျန်း ပေးခြင်းဖြင့် ကူးစက်မှုကို တားဆီးနိုင်ပြီး၊ ရောဂါပြင်းထန်ကာ သေဆုံးသွားသော အပင်များကိုမူ စိုက်ခင်းပြင်ပသို့ ထုတ်ယူ၍ မီးရှို့ဖျက်ဆီးပစ်ရပါမယ်။ပေါင်းမြက်ရှင်းလင်းချိန်တွင် ဘူးပင်စည်များကို ဓား၊ ပေါက်တူးတို့ဖြင့် မထိခိုက်မိစေရန် သတိထားပါ (ဒဏ်ရာမှတစ်ဆင့် မှိုရောဂါ ပိုမို ဝင်ရောက်လွယ်သောကြောင့် ဖြစ်သည်)အပင်ခြေတွင် ရေဝပ်ခြင်း မရှိစေရန်နှင့် မြေဆီလွှာ လေဝင်လေထွက်ကောင်းစေရန် အစိုဓာတ်ကို ထိန်းညှိပေးပါ။ နောင်ရာသီအတွက်စိုက်ပျိုးခြင်းမပြုမီ ဘူးမျိုးစေ့များကို ကာဘင်ဒါဇင် (Carbendazim) ကဲ့သို့သော မှိုသတ်ဆေးဖြင့် စနစ်တကျ လူးနယ်ပြီးမှ စိုက်ပျိုးပါ။မြေပြင်ချိန်တွင် မြေဆွေးနှင့်အတူ ထရိုင်ခိုဒါးမား (Trichoderma) သဘာဝအကျိုးပြုမှိုကို ထည့်သွင်းမြေခံပေးခြင်းဖြင့် မြေဆောင်မှိုရောဂါများကို ကြိုတင်ကာကွယ်နိုင်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ