မတ်ပဲခင်းကွက်ပြီးသေနေလို့ နှစ်တိုင်းသေပါတယ် နုတ်ကြည့်ရင်အမြစ်မဲပြီးခြောက်နေပါတယ် အပင်ငယ်စဥ်မဖြစ်ဘူး ပန်းပွင့်ချိန်ရောက်ရင်အရွက်​ေေေေေေေေေေခြောက်ပြီးသေ သွားပါတယ် ဘာဆေးဖျန်းပြီးကာကွယ်ရမလဲ ဖော့စတိုင်းအလူမီနီယမ်ဖျန်းပါတယ်မရဘူး

မတ်ပဲပင် ပန်းပွင့်ချိန်တွင် အမြစ်မဲပြီး ကွက်၍ ခြောက်သေခြင်းသည် မြေဆောင်မှိုကြောင့်ဖြစ်သော မတ်ပဲပင်ညှိုးရောဂါ (Fusarium Wilt) သို့မဟုတ် မြစ်ပုပ်အမြစ်ခြောက်ဆွေးရောဂါ ဖြစ်ပါတယ်။ တောင်သူဦးကြီး သုံးစွဲထားသော ဖော့စတိုင်း အလူမီနီယမ် (Fosetyl-Aluminium) ဆေးများသည် ဤမြေဆောင်မှိုအတွက် ထိရောက်မှုနည်း နေလို့ပါ။ ရောဂါသက်သာစေရန် ရောဂါဖြစ်ခါစ အပင်ခြေနှင့် မြေကြီးကို Hymexazol ကဲ့သို့ ပင်လုံးပျံ့မှိုသတ်ဆေးရည်ဖြင့် အမြစ်အရောက် စိုရွှဲအောင်ဖျန်းပေးရပါမယ်။ထို့နောက်အပင်အပေါ်ပိုင်းကို Azoxystrobinပါဝင်သောမှိုသတ်ဆေးဖျန်း‌ပက်ပေးရပါမယ်။မြေဆောင်မှိုရောဂါဖြစ်တယကြောင့် မှိုဆေးတွေဖျန်းပက်လည်း အသေအပျောက်နည်းရုံသာတတ်နိုင်ပါမယ်။ ရေရှည်အတွက်ဆိုရင်တော့ မြေချဉ်မြေငံတိုင်းပါ၊ မြေချဉ်ပါက မြေပြင်ပါ။ ရေရှည်ကာကွယ်ရန်အတွက် နောက်ရာသီတွင် စပါးနှင့် သီးလှည့်စိုက်ခြင်း၊ စိုက်ခင်းရေမဝပ်အောင် စီမံခြင်းနှင့် မစိုက်ပျိုးမီ မျိုးစေ့ကို မှိုသတ်ဆေး (သို့မဟုတ်) ထရိုင်ကိုဒါးမားဇီဝမှိုဖြင့် စနစ်တကျ လူးနယ်စိုက်ပျိုးခြင်းတို့ကို ပြုလုပ်ရပါမယ်။မြေခံမှာ ထရိုင်ကိုဒါးမားထည့်ပေးခြင်းတို့ဆောင်ရွက်ပေးနိုင်ပါတယ်ခင်ဗျာ