ခရမ်းပင်များပန်းပွင်မှအပင်များလိုက်သေတာဘာကြောင့်လဲဗျ အပင်များညိုပြီးသေနေတယ်ဗျဘာကြောင်သေတာလဲဘာဆေးများဖြန်ရမလဲ

@Thantzinhen ပုံပါခရမ်းသီးပင်တွင် ကျရောက်နေသည်မှာ Choanephora cucurbitarum မှိုကြောင့်ဖြစ်သော အစိုပုပ်ရောဂါ (Wet Rot / Choanephora Blight) ဖြစ်ပါတယ်။ ဤရောဂါသည် မိုးသည်းထန်ခြင်းနှင့် စိုထိုင်းဆ မြင့်မားချိန်တွင် လျင်မြန်စွာ ပျံ့နှံ့တတ်ပြီး အညွန့်၊ အပွင့်နှင့် အသီးများကို ပုပ်ခြောက်သွားစေပါတယ်။ ရောဂါကို ထိန်းချုပ်ရန်အတွက် ပထမဦးစွာ ရောဂါရနေသော အစိတ်အပိုင်းများကို ဆွတ်ခူး၍ စိုက်ခင်းနှင့်ဝေးရာတွင် မီးရှို့ဖျက်ဆီးပစ်ရပါမယ်။ ထို့နောက် ရောဂါကူးစက်ပြန့်ပွားမှုကို တားဆီးရန် Azoxystrobin သို့မဟုတ် (Cymoxanil + Mancozeb) ပါဝင်သော မှိုသတ်ဆေးတစ်မျိုးမျိုးကို အပင်အနှံ့ စနစ်တကျ ပက်ဖျန်းပေးရပါမာ်။စိုက်ခင်းအတွင်း လေဝင်လေထွက်ကောင်းအောင် အရွက်ဟောင်းများ ရှင်းလင်းပေးခြင်းနှင့် ရေမဝပ်အောင် ရေနုတ်မြောင်းများ ပြုလုပ်ပေးခြင်းဖြင့်လည်း ရောဂါသက်သာစေနိုင်ပါတယ်။