မြင်းကျားမှထုတ်လုပ်တဲ့ နှမ်းရွေးရှယ်ဟာဘီရှင်း30စီစီ+မက်ဂါမန်းနီး20ဂရမ်ကိုရေ4ဂာလံဝင်ဆေးပုံးစက်ဖြင့်ဖျန်းပတ်လိုက်တာအခုလိုဖြစ်သွားအပုံထဲကအတိုင်းပဲတစ်ခင်းလုံးပဲအကြယ်ဝန်းကတော့2ဧကရှိပါတယ်ဖြေဆေးသို့မဟုတ်ပြုပြင်ရန်နည်းလမ်းများညွှန်ကြားပေးပါအုံး

@ငုဝါ အပင်အားလုံး လောင်ကျွမ်းပြီး ရိုးတံပါ မည်းခြောက်သွားပါက ပြန်လည်ကုသရန် မဖြစ်နိုင်တော့ဘဲ ပြန်စိုက်ရပါမယ်။ သို့သော်လည်း ဆေးဖျန်းပြီးစ (၁ ရက်မှ ၃ ရက်အတွင်း) သာရှိသေးပြီး၊ အပင်၏ ထိပ်ဖျားအညွန့်လေးများ နုပျိုစိမ်းလန်းနေသေးပါက အောက်ပါအတိုင်း အရေးပေါ် ကုသနည်းများကို အမြန်ဆုံး လုပ်ဆောင်ကြည့်နိုင်ပါတယ် ဆေးအာနိသင် ပြယ်စေရန်နှင့် မြေဆီလွှာထဲမှ ဆေးဓာတ်များ အမြန်ဆုံး အောက်သို့ စိမ့်ဆင်းသွားစေရန် နှမ်းခင်းထဲသို့ ရေအမြန်သွင်းပေးပါ (သို့မဟုတ်) ရေသီးသန့်ဖြင့် အပင်များပေါ်မှ ဆေးများဆေးကြောသွားအောင် အပေါ်မှ ရေပက်ဖြန်းပေးပါ။ ဆေးလောင်ခြင်းဒဏ်ကြောင့် ဖြစ်ပေါ်လာသော အပင်၏ စိတ်ဖိစီးမှု ကို လျှော့ချပေးရန်နှင့် ဆဲလ်အသစ်များ အမြန်ပြန်လည်ရှင်သန်လာစေရန် အမိုင်နိုအက်ဆစ် နှင့် အနည်းလိုရွက်ဖျန်းအားဆေးကို သတ်မှတ်နှုန်းထားထက် အနည်းငယ်လျှော့၍ ၃ ရက်တစ်ကြိမ် (၂ ကြိမ်ခန့်) အမြန်ဆုံး ပက်ဖြန်းပေးပါ။အကယ်၍ ဆေးဖျန်းပြီး ၅ ရက်ကျော်သွားပြီး အပင်များ၏ ပင်မပင်စည်ပါ ပုပ်စပြုလာလျှင် သို့မဟုတ် အရွက်များအားလုံး ကရွတ်ခွေလိပ်ကာ ခြောက်သွေ့သွားလျှင်တော့ အချိန်နှင့် သွင်းအားစု ကုန်ကျစရိတ် သက်သာစေရန် အဆိုပါအခင်းကို ထယ်ပြန်ထိုး၍ အသစ်ပြန်လည် စိုက်ပျိုးခြင်းကသာ အကောင်းဆုံးနှင့် အသေချာဆုံး နည်းလမ်းဖြစ်ပါကြောင်း အကြံပြုချင်ပါတယ်ခင်ဗျာ