မဂ်လာပါ ကျွန်မကရွှေပန်းစိုက် တောင်သူတစ်ယောက်ပါ ရွှေပန်းတွေအပွင့်များများပွင့်အောင် ဘာမြေသြဇာကျွေးရမလဲ ဘယ်လိုပြုစုရမလဲ အပွင့်အားဆေးဘယ်ဆေးတွေဖျန်းသင့်ပါသလဲ စနစ်တကျပြုစုပုံလည်း သိပါရစေ။ အခုရွာမှာရွှေပန်းပွင့်တဲ့မျိုးနဲ့ပန်းသိပ်မပွင့်တဲ့မျိုးဆိုပြီး နှစ်မျိုးရှိတယ်ဆိုပြီးပြောနေကြတယ် ရွှေပန်းက အရပ်ထဲကလူတွေပြောသလိုမျိုးကွဲရှိသလားသိချင်ပါတယ်ရှင်

@ဒေါ်ဇာနည်လင်း ရွှေပန်းပင်တွေ အပွင့်များများပွင့်ဖို့အတွက်ဆိုရင် အပင်ခြေကို မြေဆွေး၊ နွားချေးဆွေး ထည့်ပေးရမည့်အပြင် ပန်းပွင့်အားကောင်းစေတဲ့ တီစူပါ (Phosphorus) နှင့် ပိုတက်ရှ် (Potassium) ဓာတ်မြေဩဇာ ကျွေးပေးဖို့ လိုအပ်ပါတယ်။ အပွင့်အားဆေးအနေနဲ့ ဖော့စဖရပ်နှင့် ပိုတက်ဆီယမ် ရာခိုင်နှုန်းများတဲ့ NPK (10-52-10) သို့မဟုတ် (0-52-34) ကဲ့သို့ ရွက်ဖျန်းအားဆေးတွေကို ပန်းမပွင့်ခင် (၇) ရက်၊ (၁၀) ရက်အလိုကတည်းက စတင်ဖျန်းပေးသင့်ပါတယ်။ စနစ်တကျ ပြုစုရာမှာ အဓိကအချက်က ပန်းပွင့်ပြီးသွားတဲ့ အခိုင်ပါတဲ့ ပင်စည်အအိုတွေကို အောက်ခြေကနေ ကပ်ဖြတ်ပေးရမှာဖြစ်ပြီး၊ ဒါမှသာ သားတက်သစ်တွေထွက်ပြီး ပန်းအဆက်မပြတ် ပွင့်မှာဖြစ်ပါတယ်။ အရပ်ထဲကပြောနေကြတဲ့ မျိုးကွဲကိစ္စကတော့ ရွှေပန်းမှာ ရုက္ခဗေဒသဘောအရ မျိုးစိတ်ကွဲတာမျိုး မဟုတ်ဘဲ ဥအို/ဥနု ကွာခြားချက်နှင့် ပြုစုစောင့်ရှောက်မှု၊ မြေဩဇာကျွေးမှု အားနည်းချက်ကြောင့်သာ ပွင့်အားကွာခြားသွားရခြင်း ဖြစ်ပါတယ်ခင်ဗျာ။ ငွေပန်းမျိုးစိတ်ဖြင့်မှားသလား၊ သေချာမေးကြည့်ပါဦး။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ