ဆရာတို့ မဂ်လာပါ ပေါ်ဆန်းစပါးရက်၉၀ကျော်ပါပီ အဖုံးလုံးခါနီး ဗိုက်ဖောင်းနေပါပီ ဘာမြေဆီ ကျွေးလို့ရလဲခင်ဗျ သုံးကြိမ်မြောက်ကျွေးမာမို့ အကောင်းဆုံးဖြစ်နိုင်မယ့် မြေဆီ ကျွေးနည်းလေး အကြံပေးကြပါဦးခင်ဗျ... နယ်ဘက်ကတောင်သူ တချို့တော့ ပုလဲ+ဓာတ်ဆား သုံးပီး တချို့တောင်သူတွေကတော့ ၁၅-၁၅-၁၅ သုံးနေကြလို့ အကြံပေးကြပါဦးခင်ဗျ

@အောင်မျိုးသူ ပေါ်ဆန်းစပါး သက်တမ်း ၉၀ ကျော်ပြီး ဗိုက်ဖောင်းနေချိန်သည် စပါးနှံထွက်ကောင်းရန်နှင့် အောင်စေ့များရန်အတွက် အလွန်အရေးကြီးသော အချိန်ဖြစ်ပါတယ်။ တောင်သူများ သုံးစွဲနေသည့် နည်းလမ်းနှစ်ခုအနက် ပုလဲနှင့် ဓာတ်ဆား (MOP) ကို တွဲဖက်သုံးစွဲခြင်းက စပါးနှံရှည်စေပြီး အဆန်ပြည့်ဝစေကာ အဖျင်းနည်းစေသည့်အပြင် ကုန်ကျစရိတ်ပါ အသက်သာဆုံးဖြစ်၍ အကောင်းဆုံးနည်းလမ်း ဖြစ်ပါတယ်။ ၁၅-၁၅-၁၅ ကွန်ပေါင်းမြေဩဇာတွင် ပါဝင်သော ဖော့စ်ဖရပ်သည် ဤအချိန်တွင် မလိုအပ်တော့သဖြင့် သုံးစွဲပါက ငွေကုန်ကြေးကျ ပိုများစေနိုင်ပါတယ်။ တစ်ဧကလျှင် ပုလဲနှင့် ဓာတ်ဆား ကို သမအောင်ရောစပ်၍ နေအေးချိန်တွင် ရေအနက် ၁-၂ လက်မခန့် ထားရှိကာ ညီညာစွာ ကြဲပက်ပေးသင့်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ