ဘာ‌မှိုမျိုးလဲ ဖျူစေရီယမ်လား အမြစ်ပုတ်တာလား သိချင်ပါတယ် အပင်ငယ်လဲသေတယ် အပင်ကြီးလဲသေတယ် တစ်တန်းမှာ၁၀ပင်လောက်

@maungsoethuwin ပုံပါ ပဲတောင့်ရှည်ပင်ငယ်များ တစ်တန်းလုံး ညှိုးသေပြီး အမြစ်ဆွေးပြတ်ထွက်လာခြင်းသည် မြေဆောင်မှိုကြောင့်ဖြစ်သော ဖျူစေရီယမ်ပင်ညှိုး/မြစ်ပုပ်ရောဂါ (Fusarium Wilt/Root Rot) လက္ခဏာ ဖြစ်နိုင်ခြေ အလွန်များပါတယ်ခင်ဗျာ။ ဤရောဂါဟုတ်မဟုတ် တိကျစွာ ခွဲခြားရန် အပင်ခြေကို ဓားဖြင့် ဒေါင်လိုက်ခွဲကြည့်ပါက ပင်စည်အတွင်း ရေကြောများ ညိုမည်းနေသည်ကို တွေ့ရမည် ဖြစ်ပြီး ရိုင်ဇိုတိုနီးယား (Rhizoctonia) မြစ်ခြောက်ဆွေး ဖြစ်ပါက မီးသွေးမှုန့်ကဲ့သို့ မှိုစေ့မည်းမည်းလေးများ တွေ့ရပါမယ်။ ရောဂါသက်သာစေရန် ရောဂါရပင်များကို နှုတ်ယူမီးရှို့ဖျက်ဆီးပြီး Hymexazolသို့မဟုတ် ကာဘင်ဒါဇင် (Carbendazim) သို့မဟုတ် သီအိုဖနိတ်မီသိုင်း (Thiophanate-methyl) ပင်လုံးပျံ့မှိုသတ်ဆေး အမြစ်ခြေထိ စိမ့်ဝင်အောင် အမြန်ဆုံး ဖျန်းပေးရပါမယ်။ Azoxystrobin မှိုဆေးကို အပင်အပေါ်ပိုင်းဖျန်းပေးပါ။နောင်သီးနှံရာသီများတွင် မြေပြင်ချိန်၌ ထရိုင်ကိုဒါးမား (Trichoderma) အကျိုးပြုမှိုကို မြေခံထည့်ပေးခြင်းဖြင့် ဤမြေဆောင်မှိုရောဂါကို ရေရှည်ကာကွယ်နိုင်ပါလိမ့်မယ်။ မြေဆောင်ရောဂါဖြစ်တာကြောင့် မြေပြင်မှရပါမယ်၊ ဆေးဖျန်းခြင်းက အသေအပျောက်နည်းရန်သာထိန်းလို့ရပါမယ်ခင်ဗျာ