ဆရာခင်ဗျဘက်တီးရီးယားလို့ထင်ပြီးကာဆူကာမိုင်စင်ဖြန်းထားပါတယ်သုံးသပ်ပေးပါအုံးခင်ဗျ ပြီးတော့အသီးထွက်နုန်းလည်းနည်း...

Question

ဆရာခင်ဗျဘက်တီးရီးယားလို့ထင်ပြီးကာဆူကာမိုင်စင်ဖြန်းထားပါတယ်သုံးသပ်ပေးပါအုံးခင်ဗျ ပြီးတော့အသီးထွက်နုန်းလည်းနည်းနေတယ်နောက်ချိုးမြင့်မြေဆီကျွေးရမှာလားခင်ဗျရေခြံတော့မဟုတ်ဘူးဆရာ။

သော်ဇင် · Answer

@ခင်ဇော်ဝင်း ရောဂါက စောပင်နာကျရောဂါကျနေတာပါ။ခရမ်းချဉ်ပင်တွင် ဖြစ်ပွားနေသော စောပင်နာကျရောဂါ (Early Blight) သည် 'မှို' ကြောင့် ဖြစ်ပွားခြင်း ဖြစ်သောကြောင့် 'ဘက်တီးရီးယား' သတ်ဆေးဖြစ်သည့် ကာဆူကာမိုင်စင် (Kasugamycin) သည် ရောဂါပျောက်ကင်းရန် ထိရောက်မှု မရှိနိုင်ပါဘူး။ ရောဂါကို ကာကွယ်ရန်အတွက် မန်ကိုဇက် (Mancozeb)သုံးလို့ရပြီး အခုလိုအချိန်မှာ ကုသရန်အတွက် အဇိုဆီစထရိုဘင် (Azoxystrobin)၊ Metiram+ Pyraclostrobin၊ ကဲ့သို့သော မှိုသတ်ဆေး သီးသန့်များကို ပြောင်းလဲပက်ဖျန်းပေးရပါမည်။ ထို့ပြင် အသီးထွက်နှုန်း ကောင်းမွန်စေရန် ဖော့စဖရပ်နှင့် ပိုတက်စီယမ် (P, K) အချိုးမြှင့် မြေဩဇာများ ကျွေးပေးရန် လိုအပ်သော်လည်း၊ ရေသွင်းစိုက်ပျိုးသည့်ခြံမဟုတ်သဖြင့် အပင်အာဟာရ စုပ်ယူနိုင်ရန်နှင့် အမြစ်မလောင်စေရန်အတွက် မြေဆီလွှာတွင် အစိုဓာတ်ရှိနေချိန် သို့မဟုတ် မိုးရွာပြီးစအချိန်တွင်သာ ရွေးချယ်ကျွေးပတ်ပေးသင့်ပါတယ်။စောပင်နာကျရောဂါသည် အောက်ခြေအရွက်အဟောင်းများမှ စတင်တတ်သဖြင့် ရောဂါလက္ခဏာပြနေသော၊ ဝါနေသော အောက်ခြေအရွက်များကို ဆွတ်ခူး၍ ခြံပြင်ပတွင် မီးရှို့ဖျက်ဆီးပစ်ပါ။ရေလောင်းသည့်အခါ သို့မဟုတ် မိုးရွာသည့်အခါ မြေကြီးထဲမှ မှိုစပိုးများ အရွက်ပေါ်သို့ စင်မတက်စေရန် အပင်ခြေတွင် ကောက်ရိုး သို့မဟုတ် ပလတ်စတစ်ဖြင့် ဖုံးအုပ်ပေးခြင်းက ရောဂါကူးစက်မှုကို လျော့နည်းစေပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

ဖြေကြားချက် ၁ ခု