လိမ္မော်ပင်အတွက် ရွာငံ အင်းကြီး မိုးများ ဒေသ တောင်စောင်းမြေ တစ်နှစ်စာ လအလိုက် ဖျန်းရမယ်ဆေးနဲ့ ကျွေးရမယ်မြေသြဇာ တို့ကို ဇယားကွက်နဲ့ ဖော်ပြပေးပါအုံး

@ko kway ရွာငံ အင်းကြီးဒေသကဲ့သို့ မိုးများပြီး ကုန်းမြင့်တောင်စောင်းမြေတွင် လိမ္မော်စိုက်ပျိုးပါက မိုးရေကြောင့် မြေဆီလွှာအာဟာရ မျောပါခြင်းနှင့် မှိုရောဂါကျရောက်ခြင်းကို အဓိကကာကွယ်ရပါမယ်။ မြေပြုပြင်ရာတွင် တိုက်စားမှုသက်သာစေရန် လှေကားထစ်စနစ် ပြုပြင်ရမည်ဖြစ်ပြီး၊ မိုးများ၍ မြေချဉ်တတ်သဖြင့် စိုက်ကျင်းပြင်ချိန်တွင် ဒိုလိုမိုက် (Calcium Magnesium Carbonate) နှင့် သဘာဝမြေဆွေးကို အပင်ခြေကျွေး ထည့်သွင်းရပါမယ်။ တစ်နှစ်စာ လုပ်ငန်းစဉ်အနေဖြင့် - ဇန်နဝါရီ/ဖေဖော်ဝါရီ အသီးခူးပြီးချိန်တွင် ကိုင်းဖြတ်၍ ကော့ပါးအောက်ဆီကလိုရိုက် (Copper Oxychloride) သို့မဟုတ် ဘော်ဒိုမစ်ချားမှိုသတ်ဆေး ရွက်ဖျန်း ပေးပြီး၊ သဘာဝမြေဆွေးနှင့် နွားချေးဆွေးကို အပင်ခြေကျွေး ရပါမယ်။ မတ်/ဧပြီ ပန်းပွင့်ချိန်တွင် နိုက်ထရိုဂျင်နှင့် ဖော့စဖရပ် ပါဝင်မှုမြင့်သော ကွန်ပေါင်းမြေဩဇာ (NPK 15-15-15 သို့မဟုတ် 16-20-0) ကို အပင်ခြေကျွေး ပြီး၊ ပျကောင်နှင့် လိပ်ပြာပိုးအတွက် အီမီဒါကလိုပရစ် (Imidacloprid) သို့မဟုတ် Acetamiprid ပိုးသတ်ဆေးနှင့်အတူ ဘိုရွန် (Boron) အားဆေးကို ရွက်ဖျန်း ပေးရပါမယ်။ မေ/ဇွန် မိုးဦးကျတွင် ပိုတက်စီယမ်မြေဩဇာ (Muriate of Potash - MOP) ကို အပင်ခြေကျွေး ပြီး၊ လိမ္မော်ပင် သံချေးနှင့် ကင်ကာမှိုရောဂါအတွက် ကာဆူဂါမိုင်စင် (Kasugamycin) သို့မဟုတ် အဇိုဆီစထရိုဘင် (Azoxystrobin) မှိုသတ်ဆေးကို ရွက်ဖျန်း ပေးရပါမယ်။ ဇူလိုင်/ဩဂုတ် မိုးလယ်တွင် ရေနုတ်မြောင်းဖော်ပေးပြီး၊ မှိုရောဂါအကျဆုံးအချိန်ဖြစ်၍ မန်ကိုဇက် (Mancozeb) သို့မဟုတ် ကလိုရိုသာလိုနေး (Chlorothalonil) မှိုသတ်ဆေးကို ရွက်ဖျန်း ကြိုတင်ကာကွယ်ပေးရပါမယ်။ စက်တင်ဘာ/အောက်တိုဘာ အသီးကြီးချိန်တွင် ပိုတက်စီယမ်မြင့်မားသော မြေဩဇာ (NPK 13-13-21) ကို အပင်ခြေကျွေး ပြီး၊ အသီးစုပ်ပိုးနှင့် လှေးပိုးအတွက် အဘာမက်တင် (Abamectin) ပိုးသတ်ဆေးနှင့် ကယ်လ်စီယမ်-ဘိုရွန် (Calcium-Boron) အားဆေးကို တွဲဖက်၍ ရွက်ဖျန်း ပေးရပါမယ်။ နိုဝင်ဘာ/ဒီဇင်ဘာ အသီးမှည့်ချိန်တွင် ဆေးဖျန်းခြင်းအားလုံး ရပ်နားကာ မြေစိုစွတ်မှုထိန်းရန် အပင်ခြေကို ကောက်ရိုးဖုံးအုပ်ပေးရပါမယ်။ ပုံမှန်အစီအစဉ်လေးဆွဲပေးထားတာပါ၊ သို့ပေမယ့် ဘယ်အချိန်မှာ ဘယ်ရောဂါ၊ဘယ်ပိုးကျမယ်အတိအကျမပြောနိူင်တာမို့ ပိုး၊ရောဂါ ကျခဲ့ သည့်အချိန်မှာပုံတင်ပြီး အစိမ်းရောင်လမ်း Appမှာလာမေးနိုင်ပါတယ်ခင်ဗျာ၊ ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ