ဘာရောဂါလဲး ဘာကြောင့်ဖြစ်တာလဲး လိမ်မောိသီးအက်လိုမဖြစ်အောင်ဘယ်လိုကာကွယ်ရမလဲး

@မောင်ယဉ်မောင် ပုံပါလက္ခဏာသည် Xanthomonas ဘက်တီးရီးယားပိုးကြောင့် ဖြစ်ပွားသော ရှောက်/သံပုရာ/လိမ္မော် ကင်ကာရောဂါ (Citrus Canker) ဖြစ်ပြီး အသီးခွံပေါ်တွင် ဖော့ကဲ့သို့ ကြမ်းတမ်းပြီး အက်ကွဲကြောင်းရှိသော အနာဖုများ ဖြစ်ပေါ်စေကာ အသီးအရည်အသွေးကို ပျက်စီးစေပါတယ်။ မိုးရေစင်ခြင်း၊ လေပြင်းတိုက်ခိုက်ခြင်းနှင့် ရွက်ထွင်းပိုး ကိုက်ဖြတ်ရာမှရသော ဒဏ်ရာများမှတစ်ဆင့် ပျံ့နှံ့ကူးစက်တတ်ပါတယ်။ ရောဂါကာကွယ်ရန်အတွက် ရောဂါရနေသော အကိုင်းနှင့် အသီးများကို ဖြတ်တောက်ပစ်ခြင်း၊ ကိုင်းဖြတ်ကတ်ကြေးကို ပိုးသတ်အသုံးပြုခြင်း၊ ဒဏ်ရာရစေသော ရွက်ထွင်းပိုးကို အချိန်မီနှိမ်နင်းခြင်းနှင့် အညန့်သစ်ထွက်ချိန်/အသီးတင်စအချိန်များတွင် ကော့ပါးအောက်ဆီကလိုရိုက် (Copper Oxychloride) သို့မဟုတ် Kasugamycin, Bismerthiazole, Oxolinic acid ကဲ့သို့သော ဘက်တီးရီးယားသတ်ဆေးများကို စနစ်တကျ ပက်ဖျန်းပေးရပါမယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ