ပေါ်ဆန်းစပါးပါ အနှံမစုံသေးပါဘူးမိုးကြောင့် စပါးပင်တွေကလဲနေပါတယ်စိုးရိမ်ရပါသလား မိုးရေစစ်ရင်ပြန်ပြီးအပင်တွေ...

Question

ပေါ်ဆန်းစပါးပါ အနှံမစုံသေးပါဘူးမိုးကြောင့် စပါးပင်တွေကလဲနေပါတယ်စိုးရိမ်ရပါသလား မိုးရေစစ်ရင်ပြန်ပြီးအပင်တွေထောင်လား

သော်ဇင် · Answer

@Ei Ei Phway အခြေနေတစ်ခုတော့ရှိသေးတာပေါ့၊ မိုးရေအလေးချိန်ကြောင့် အရွက်များလေးလံကာ လဲကျခြင်းသည် ပင်စည်ကျိုးခြင်းမဟုတ်ဘဲ ခေတ္တညွတ်ကျခြင်းသာ ဖြစ်သဖြင့် မိုးရေစစ်၍ အရွက်ပေါ်မှ ရေကင်းစင်သွားပါက အပင်များသည် နေရောင်ခြည်ရရှိမှုနှင့်အတူ အပေါ်သို့ ပြန်လည်မတ်မတ် ကော့ထောင်လာနိုင်စွမ်း ရှိပါတယ်။

သော်ဇင် · Answer

@Ei Ei Phway စပါးပင်များ အနှံမစုံတက်သေးမီ လဲကျပါက အပင်၏ ဆဲလ်ကြီးထွားမှုအရ အပေါ်သို့ အနည်းငယ် ပြန်လည်ကော့ညွတ်ထောင်လာနိုင်စွမ်း ရှိသော်လည်း မတ်မတ်ပြန်ဖြစ်ရန် ခဲယဉ်းပါတယ်။ စပါးပင်လဲရုံဖြင့် လုံးဝမပျက်စီးနိုင်သော်လည်း လဲကျပြီးနောက် ရေမြုပ်နေပါက အစေ့အပင်ပေါက်ခြင်း၊ အနှံပုပ်ခြင်းနှင့် မှိုရောဂါများကြောင့် အထွက်နှုန်းနှင့် အရည်အသွေး သိသိသာသာ ထိခိုက်ပျက်စီးနိုင်ပါတယ်။ ထို့ကြောင့် လက်ရှိအခြေအနေတွင် စပါးခင်းအတွင်းရှိ ဝပ်နေသော ရေများကို အမြန်ဆုံးနုတ်ထုတ်ရန် အရေးကြီးဆုံးဖြစ်ပြီး၊ လိုအပ်ပါက အပင်များကို စုစည်းဒေါက်ထောက်ပေးခြင်းနှင့် မှိုရောဂါကာကွယ်ဆေး ပက်ဖျန်းပေးခြင်းတို့ကို လုပ်ဆောင်ရပါမယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

ဖြေကြားချက် ၂ ခု