မတ်ပဲပေါင်းအုပ်ဆေးက ဘယ်နှစ်ရက်သားမှာ အသုံးပြုရတာလဲဗျ ဘယ်ဆေးက ကောင်းလဲ လမ်းညွှန်ပေးပါအုံး

ပေါင်းအုပ်ဆေး Pre emergents သုံးမယ်ဆိုရင်၊Pendimethlin ရတယ်။Metolachlor/S-metolachlorကို အညွှန်းပါအတိုင်းသုံးနိုင်ပါတယ်။‌ကောင်းလည်းကောင်းပါတယ်။

@မောင်မြတ်မင်း မတ်ပဲပေါင်းအုပ်ဆေး ကို စိုက်ပျိုးပြီး ၁ ရက်မှ ၃ ရက်အတွင်း အပင်မပေါက်မီ မြေအစိုဓာတ်ရှိချိန်တွင်သာ အသုံးပြုရပါတယ်။ ယခု အပင်သက်တမ်း (၉) ရက်သား ရှိနေပြီဖြစ်၍ ပေါင်းအုပ်ဆေး ဖျန်းရန် အချိန်ကျော်လွန်သွားပြီ ဖြစ်ပါတယ်။ ထို့ကြောင့် မတ်ပဲပင် ၁၀ ရက်မှ ၂၀ ရက်သားအတွင်း အသုံးပြုရသည့် အပင်ပေါက်ပြီး ရွေးချယ်ပေါင်းသတ်ဆေး (Post-emergence) ကိုသာ ပြောင်းလဲအသုံးပြုသင့်ပါတယ်။ အခင်းထဲတွင် မြက်ပေါင်းသာပေါက်ပါက Quizalofop-p-ethyl (ဥပမာ- ပီဇာ ၁၀ အီးစီ)၊ ရွက်ပြန့်ပေါင်းသာပေါက်ပါက Fomesafen (ဥပမာ- ပီကာ ၂၅၀ အက်စ်အယ်) နှင့် မြက်ရော ရွက်ပြန့်ပါ အစုံပေါက်ပါက Imazethapyr (ဥပမာ- ရှင်းရှင်း) တို့ကို မြေအစိုဓာတ်ရှိချိန် နေအေးချိန်တွင် ဖျန်းပေးရမည် ဖြစ်ပါတယ်။ ပေါင်းသတ်ဆေးများမသုံးခင် ဆေးဗူးပါစာညွှန်းများသေချာဖတ်ပါခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ